Марыя Сяргееўна Каранеўская
| Марыя Сяргееўна Каранеўская | |
|---|---|
| Род дзейнасці | калгаснік |
| Дата нараджэння | 4 снежня 1926 |
| Месца нараджэння | |
| Дата смерці | 1 снежня 2000 (73 гады) |
| Грамадзянства | |
| Узнагароды і прэміі |
  |
Марыя Сяргееўна Каранеўская (4 снежня 1926, Прыяміна, Барысаўская акруга — 1 снежня 2000) — савецкая калгасніца. Герой Сацыялістычнай Працы (1966).
Біяграфія
[правіць | правіць зыходнік]Марыя Каранеўская нарадзілася 4 снежня 1926 года ў вёсцы Прыяміна Халопеніцкага раёна Барысаўскай акругі Беларускай ССР (зараз Крупскага раёна Мінская вобласць Беларусь).
Пасля Вялікай Айчыннай вайны перабралася ў Гродзенскую вобласць[1].
Кіравала клубам у Харосіцы Навагрудскага раёна[1].
З 1955 года кіравала ільнаводчым звяном у калгасе імя Сталіна (з 1961 года «Світанак») Любчэнскага (з 1956 года — Навагрудскага) раёна Баранавіцкай (з 1954 года — Гродзенскай) вобласці. Пастаянна павышала кваліфікацыю, укараняла хімічную праполку і прымяненне мінеральных угнаенняў[1].
Паступова звяно Каранеўскай дасягнула ўраджайнасці да 11 цэнтнераў ільновалакна і 10 цэнтнераў насення лёну з гектара. У 1965 годзе звяно сабрала 12,4 цэнтнера льновалакна і 10,4 цэнтнера насення з гектара. Гэты вынік быў лепшым у Гродзенскай вобласці і заставаўся непераўзыдзеным дзесяць гадоў[1].
30 красавіка 1966 года ўказам Прэзідыума Вярхоўнага Савета СССР за поспехі, дасягнутыя ў павелічэнні вытворчасці і нарыхтовак лёну, удастоена звання Героя Сацыялістычнай Працы з уручэннем ордэна Леніна. Таксама атрымала залаты медаль «Серп і молат».[1]
У 1966 годзе з-за цяжкай хваробы перайшла з льнаводства ў жывёлагадоўлю[1].
Жыла ў Харосіцы[1].
Памерла 1 снежня 2000 года.
Крыніцы
[правіць | правіць зыходнік] Тэматычныя сайты |
|---|
