Мары Яхода

Мары Яхода
ням.: Marie Jahoda
Дата нараджэння	26 студзеня 1907(1907-01-26)[…]
Месца нараджэння	Вена, Аўстра-Венгрыя
Дата смерці	28 красавіка 2001(2001-04-28)[…] (94 гады)
Месца смерці	Keymer[d], Hassocks[d], Мід-Сасэкс[d], Заходні Сусекс[d], Паўднёва-Усходняя Англія[d], Англія, Вялікабрытанія
Грамадзянства	Цыслейтанія  Аўстрыя  Вялікабрытанія
Бацька	Carl Jahoda[d]
Муж	Paul Lazarsfeld[d] і Austen Albu[d]
Дзеці	Lotte Bailyn[d]
Род дзейнасці	псіхолаг, выкладчыца ўніверсітэта, сацыёлаг
Месца працы	Сасекскі ўніверсітэт Новая школа[d] Універсітэт Брунеля
Альма-матар	Венскі ўніверсітэт (1933) Science and Technology Policy Research[d]
Член у	Амерыканская акадэмія мастацтваў і навук
Узнагароды	ганаровы доктар Венскага ўніверсітэта[d] Prize of the City of Vienna for the Humanities[d] (1993) член Амерыканскай акадэміі мастацтваў і навук Kurt Lewin Award[d] (1980)
Медыяфайлы на Вікісховішчы

Мары́ Яхо́да (ням.: Marie Jahoda; 26 студзеня 1907, Вена — 28 красавіка 2001, Сусекс) — аўстрыйскі і брытанскі сацыяльны псіхолаг яўрэйскага паходжання.

Біяграфія

Вучылася ў венскай гімназіі для дзяўчынак. Пачынаючы з падлеткавага ўзросту, Марыя пачала ўдзельнічаць у Сацыял-дэмакратычнай партыі Аўстрыі. У 1928 годзе яна атрымала дыплом настаўніка ў Педагагічнай акадэміі Вены, у 1933 годзе атрымала ступень доктара філасофіі ў псіхалогіі ў Венскім універсітэце. У Вене пазнаёмілася з настаўнікам і будучым амерыканскім сацыёлагам Полам Лазарсфельдам, за якога выйшла замуж у 1926 годзе. 17 ліпеня 1930 года ў іх нарадзілася дачка Лота. У 1928 годзе Яхода некаторы час знаходзілася ў Парыжы, слухала лекцыі ў Сарбоне.

Разам з мужам Мары выканала шэраг навуковых даследаванняў, некаторыя з якіх апублікавала. У 1933 годзе, атрымаўшы ад Фонду Ракфелера стыпендыю, Лазарсфельд з’ехаў у ЗША, дзе застаўся жыць, бо не мог вярнуцца ў Аўстрыю пасля нацысцкага перавароту 1934 года. У гэтым жа годзе яны развяліся. З 1933 па 1936 год Яхода працавала ў Венскім універсітэце. Адначасова ўдзельнічала ў рэвалюцыйным сацыялістычным падполлі і ў 1936 годзе была арыштаваная за гэтую дзейнасць. З-за міжнароднага ўмяшання яна была вызвалена, у ліпені 1937 года пазбаўленая аўстрыйскага грамадзянства і з’ехала з краіны.

Мары спынілася ў Англіі, пражывала там падчас Другой сусветнай вайны. У 1945 годзе яна з’ехала ў ЗША. Працавала ў якасці прафесара сацыяльнай псіхалогіі ў Нью-Ёркскім універсітэце, выкладала ў Калумбійскім універсітэце, была навуковым супрацоўнікам Амерыканскага яўрэйскага камітэта.