Меланаспора

Меланаспора
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Sordariomycetes Падклас:  Hypocreomycetidae Порядок:  Coronophorales Сямейства:  Ceratostomataceae Род:  Меланаспора
Міжнародная навуковая назва
Melanospora Corda, 1837
Сістэматыка на Віківідах Выявы на Вікісховішчы NCBI   40615 EOL   16600 MB   3085

Меланаспо́ра (Melanospora) — род сумчатых грыбоў (аскаміцэтаў) сямейства Ceratostomataceae (Меланаспоравыя (Melanosporaceae)).

Апісанне

Пладовыя целы (перытэцыі) паверхневыя, часцей за ўсё адзіночныя, шарападобныя, яйцападобныя ці шырокаэліптычныя, часам з выцягнутым вусцейкам, пакрытым шчацінкамі. Абалонка пладовага цела тонкая, мяккая, даволі празрыстая, жаўтаватага, чырванаватага ці бурага колеру (да моманту выспявання спораў часам чорная). Сумкі звычайна на доўгай ножцы, булавападобнай формы ці цыліндрычныя, з 8 спорамі. Сумкаспоры эліпсападобнай формы, аднаклетачныя, бурага або чорнага колеру з сеткавым малюнкам.

Распаўсюджанне

Род налічвае каля 40 відаў, распаўсюджаных пераважна ў Еўразіі, у тым ліку ва Украіне, у Малдове і Башкартастане. На тэрыторыі Беларусі вядомы 2 віды: меланаспора гноевая (Melanospora fimicola) — на экскрэментах жывёл і меланаспора Цобеля (Melanospora zobelii) — на саломе і зерні хлебных злакаў.

Асаблівасці біялогіі

Грыбы роду меланаспора пераважна сапратрофы. Развіваюцца на жывёльных і раслінных субстратах. Некаторыя віды паразітуюць на грыбах і насякомых.

Літаратура

• Меланаспо́ра // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 330. — 588 с., іл. — 10 000 экз.
• Семейство Меланоспоровые (Melanosporaceae) // Жизнь растений : в 6 т. / гл. ред. Ал. А. Фёдоров. — М. : Просвещение, 1976. — Т. 2 : Грибы / под ред. М. В. Горленко. — С. 146, 439. — 479 с. — 300 000 экз. (руск.)
• Тобиас, А. В. О грибах рода Melanospora в России / Новости систематики низших растений. 1995, том 30, с. 36—40. (руск.)

Спасылкі

• Melanospora // Sordariomycetes.org. Published by the Mushroom Research Foundation (англ.)