Мікалай Мікалаевіч Зацэпін
Мікалай Мікалаевіч Зацэпін | |
---|---|
руск.: Николай Николаевич Зацепин | |
Дата нараджэння | 16 лютага 1917 |
Месца нараджэння | |
Дата смерці | 6 мая 2015 (98 гадоў) |
Грамадзянства | |
Род дзейнасці | навуковец |
Месца працы | |
Навуковае званне | |
Альма-матар | |
Прэміі | |
Узнагароды |
Мікалай Мікалаевіч Зацэ́пін[1] (руск.: Николай Николаевич Зацепин; 16 лютага 1917; с. Сцежкі, Дзягцянскі раён, Тамбоўская вобласць, Расія — 6 мая 2015[2]) — савецкі і беларускі вучоны ў галіне электрамагнетызму і фізікі неразбуральнага кантролю. Член-карэспандэнт Нацыянальнай акадэміі навук Беларусі (1972), доктар тэхнічных навук (1967), прафесар (1971). Удзельнік Вялікай Айчыннай вайны.
Біяграфія[правіць | правіць зыходнік]
Скончыў Маскоўскі педагагічны інстытут імя К. Лібкнехта (1940). У 1943—1949 гг. працаваў начальнікам цэха, галоўным энергетыкам, галоўным інжынерам на прадпрыемствах трэста «Каркінвугаль» у Чалябінскай вобласці. У 1952—1954 гг. вучоны сакратар, у 1954—1970 гг. загадчык групай, загадчык лабараторыі Інстытута фізікі металаў АН СССР. З 1971 г. загадчык Аддзелам фізікі неразбуральнага кантролю АН БССР і загадчык лабараторыі электрамагнетызму гэтага аддзела. У 1980—1987 гг. дырэктар Інстытута прыкладной фізікі Нацыянальнай акадэміі навук Беларусі, з 1987 г. галоўны навуковы супрацоўнік інстытута.
Навуковая дзейнасць[правіць | правіць зыходнік]
Стварыў новыя навуковыя напрамкі і атрымаў фундаментальныя вынікі па нелінейнай тэорыі метаду вышэйшых гармонік, нелінейнай магнітадынамікі і магнітастатыкі, тэорыі шматпараметравых метадаў неразбуральнага кантролю, стварэнню метадаў і сродкаў кантролю і якасці механічных уласцівасцяў і ўмацаваных слаёў вырабаў. Распрацаваў навуковыя асновы магнітнай і віхратокавай дэфектаскапіі. Аўтар больш за 370 навуковых прац, у тым ліку 6 манаграфій, больш за 120 вынаходніцтваў.
Узнагароды[правіць | правіць зыходнік]
- Дзяржаўная прэмія БССР 1976 за даследаванне, распрацоўку і ўкараненне электрамагнітных метадаў і сродкаў неразбуральнага кантролю механічных уласцівасцяў ферамагнітных матэрыялаў і вырабаў.
- ордэн Працоўнага Чырвонага Сцяга (1979),
- ордэн Чырвонай Зоркі (1968),
- ордэн Айчыннай вайны II ступені (1985).
Асноўныя працы[правіць | правіць зыходнік]
- Метод высших гармоник. — Мн., 1980.
- Магнитная дефектоскопия. — Мн., 1981 (совм. с Л. В. Кортавой).
- Феррозондовые преобразователи с поперечным возбуждением. — Мн., 1988 (совм. с В. Г. Горбашем).
- Гармонические составляющие динамической и магнитной проницаемости. Векторные диаграммы второй и четвертой гармоник // Техническая электродинамика. 2000. № 1.
Зноскі
- ↑ БелЭн 1998.
- ↑ Памяти учёного (руск.)
Літаратура[правіць | правіць зыходнік]
- Зацэ́пін Мікалай Мікалаевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 26. — 10 000 экз. — ISBN 985-11-0035-8. — ISBN 985-11-0130-3 (т. 7).
Спасылкі[правіць | правіць зыходнік]
- Памяти учёного (руск.) // Сайт НАН Беларусі
- Член-корреспондент ЗАЦЕПИН Николай Николаевич (руск.) // НАН Беларусі
- Мікалай Мікалаевіч Зацэпін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
- Зацепин Николай Николаевич (руск.) // Праект «Память народа»
- Нарадзіліся 16 лютага
- Нарадзіліся ў 1917 годзе
- Нарадзіліся ў Тамбоўскай вобласці
- Памерлі 6 мая
- Памерлі ў 2015 годзе
- Члены-карэспандэнты НАНБ
- Лаўрэаты Дзяржаўнай прэміі БССР
- Кавалеры ордэна Айчыннай вайны II ступені
- Кавалеры ордэна Працоўнага Чырвонага Сцяга
- Кавалеры ордэна Чырвонай Зоркі
- Асобы
- Вучоныя паводле алфавіта
- Фізікі СССР
- Фізікі Беларусі
- Артылерысты Вялікай Айчыннай вайны