Міхась Шаховіч

Міхась Шаховіч
Асабістыя звесткі
Дата нараджэння	20 лістапада 1953(1953-11-20)
Месца нараджэння	Сакі, гміна Бельск Падляскі, Бельскі павет, Падляскае ваяводства, Польшча
Дата смерці	5 чэрвеня 2000(2000-06-05) (46 гадоў)
Месца смерці	Беласток, Падляскае ваяводства, Польшча
Пахаванне	Беласток
Альма-матар	Беларускі ліцэй імя Браніслава Тарашкевіча ў Бельску Падляскім (1972) Варшаўскі ўніверсітэт (1977)
Месца працы	Ніва
Прафесійная дзейнасць
Род дзейнасці	паэт
Мова твораў	беларуская
Грамадская дзейнасць
Член у	Саюз польскіх пісьменнікаў[d] Беларускае літаратурнае аб’яднанне «Белавежа»

Міхась Шаховіч (20 лістапада 1953, вёска Сакі, Бельска-Падляшскі павет, Беластоцкае ваяводства, Польшча — 5 чэрвеня 2000, Беласток, Польшча) — беларускі паэт.

Біяграфія

Нарадзіўся ў сялянскай сям’і. Скончыў агульнаадукацыйны ліцэй з беларускай мовай навучання ў Бельску-Падляшскім (1972), у 1972 г. паступіў на аддзяленне беларускай філалогіі Варшаўскага ўніверсітэта. У 1975 г. перайшоў на завочнае навучанне (скончыў у 1977) і пачаў працаваць журналістам у беларускім штотыднёвіку «Ніва». З 1985 г. — адказны сакратар польскага грамадска-культурнага штомесячніка «Кантрасты». З 1990 г. — кіраўнік выдавецкай суполкі «Сумежжа». Член Саюза польскіх пісьменнікаў з 1985 г. Жыў у Беластоку, дзе і памёр. Пахаваны ў Беластоку на гарадскіх могілках.

Творчасць

Дэбютаваў у 1974 г. на старонках «Нівы» вершам. Піша на беларускай мове. Аўтар зборнікаў паэзіі «Прамінанне» (1978), «Святая ноч» (паэма, з паралельным перакладам на польскую мову, 1979), «Напевы» (паэмы, 1987) і кнігі апавяданняў «Вада ў рэшаце» (1984).

Пад яго рэдакцыяй выйшаў том навуковых прац, прысвечаных польска-беларускім культурным узаемасувязям «Мост праз стагоддзі» (1980).

Літаратура

• Міхась Шаховіч // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

• Cmentarz Miejski w Białymstoku. MICHAŁ SZACHOWICZ