Міхаіл Васілевіч Чартарыйскі

Міхаіл Васілевіч Чартарыйскі
Пагоня Літоўская
Нараджэнне	не раней за 1401
Смерць	не раней за 1479 і не пазней за 1489 Клэвань
Род	Гедзімінавічы і Чартарыйскія
Бацька	Васіль Канстанцінавіч Чартарыйскі
Маці	Ганна
Жонка	Марыя Няміраўна Разановіч[d]
Дзеці	Фёдар Міхайлавіч Чартарыйскі[d], Ганна Міхайлаўна Чартарыйская[d] і Андрэй Міхайлавіч Чартарыйскі[d]
Грамадзянства	Вялікае Княства Літоўскае

Міхаіл Чартары́йскі (не раней за 1401 — не раней за 1479 і не пазней за 1489, Клэвань) — вялікалітоўскі арыстакрат.

З роду князёў Чартарыйскіх, сын яго пачынальніка князя Васіля.

Разам з братамі Іванам і Аляксандрам арганізаваў змову і забіў вялікага князя Жыгімонта Кейстутавіча. Уцёк у Венгрыю.

У 1444 годзе вярнуўся, у 1445—1451 гадах маршалак дворны Свідрыгайлы. Праціўнік экспансіі Польшчы на Валынь. У 1452 годзе разам з братам Іванам дапамог вялікалітоўскім сілам заняць Луцк, прызначаны намеснікам брацлаўскім.

Заснаваў радавое гняздо Чартарыйскіх у Клевані. У 1478 годзе абараняў Брацлаўскі замак ад крымскіх татараў.

Ад унукаў Міхаіла (валынская галіна) паходзяць дзве асноўныя лініі роду Чартарыйскіх.

Літаратура

• Грыцкевіч А. Чартарыйскія // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.