Надзея Аляксандраўна Губская

Надзея Аляксандраўна Губская
Дата нараджэння	3 лютага 1947(1947-02-03) (77 гадоў)
Месца нараджэння	Стары Каўрай[d], Чарнабаеўскі раён, Палтаўская вобласць, УССР, СССР
Адукацыя	Нацыянальная музычная акадэмія Украіны імя Пятра Чайкоўскага
Прафесія	оперная спявачка
Тэатр	Нацыянальны акадэмічны Вялікі тэатр оперы і балета Рэспублікі Беларусь Беларуская дзяржаўная акадэмія музыкі
Узнагароды	Лаўрэат Усесаюзнага конкурсу вакалістаў імя М. Глінкі[d]

Надзея Аляксандраўна Гу́бская (нар. 3 лютага 1947, в. Стары Каўрай, Чаркаская вобласць, УССР) — беларуская артыстка оперы (лірыка-драматычнае сапрана). Заслужаная артыстка Беларусі (1994).

Біяграфія

Скончыла ў 1975 годзе Кіеўскую кансерваторыю. Працавала ў тэатрах Украіны і Расіі. У 1977—2005 гадах — салістка Нацыянальнага акадэмічнага Вялікага тэатра оперы і балета Рэспублікі Беларусь. Адначасова з 1999 года выкладае сольныя спевы ў Беларускай акадэміі музыкі.

Творчасць

Чароўны тэмбр голасу Губскай, яго свабоднае, сакавітае, мяккае, нюансаванае гучанне, эмацыянальнасць выканання спрыялі перадачы ўнутранай высакароднасці і чысціні яе гераінь. Сярод лепшых партый: Аіда, Леанора («Трубадур» Д. Вердзі), Тоска («Тоска» Д. Пучыні), Лізавета, Амелія («Дон Карлас», «Баль-маскарад» Д. Вердзі), Маргарыта («Фаўст» Ш. Гуно), Таццяна, Ліза («Яўген Анегін», «Пікавая дама» П. Чайкоўскага), Яраслаўна («Князь Ігар» А. Барадзіна), партыя саліруючага сапрана ў вакальна-харэаграфічным прадстаўленні «Карміна Бурана» на музыку К. Орфа.

Лаўрэат Усесаюзнага конкурсу вакалістаў імя М. Глінкі.

Літаратура

• Саламаха А. А. Губская Надзея Аляксандраўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.