Наталля Вячаславаўна Вішнеўская

Наталля Вячаславаўна Вішнеўская
Асабістыя звесткі
Дата нараджэння	3 мая 1907(1907-05-03)
Месца нараджэння	Коўна, Ковенскі павет, Ковенская губерня, Расійская імперыя
Дата смерці	3 мая 1989(1989-05-03) (82 гады)
Месца смерці	Ленінград, РСФСР, СССР
Муж	Алесь Дудар, Алесь Звонак і Янка Бобрык
Месца працы	Цэнтральнае выдавецтва народаў СССР[d] Гудок[d]
Прафесійная дзейнасць
Род дзейнасці	паэтка
Мова твораў	беларуская
Выявы на Вікісховішчы

Наталля Вячаславаўна Вішнеўская (3 мая 1907, Коўна — 3 мая 1989, Ленінград) — беларуская паэтэса, рэдактар.

Біяграфія

Падчас І сусветнай вайны з бацькамі ў эвакуацыі ў Самарскай губерні. Пасля грамадзянскай вайны Вішнеўскія жылі на Случчыне. Тады пачала пісаць вершы. Уплыў на фарміраванне паэтэсы аказаў Я. Колас, які ўвёў яе ў літаб’яднанне «Маладняк» і дапамог стаць студэнткай МБПТ (1924). Удзельнічала ў 1-м з’ездзе «Маладняка» (1925). Публікавалася з 1926.

У 1928, на апошнім курсе вучобы, узяла шлюб з А. Дударам, з якім пазнаёмілася ў «Маладняку». Неўзабаве мужа арыштавалі і выслалі ў Смаленск. Паступіла ў БДУ (1929), аднак на працягу года яе творы не друкаваліся, яна не магла знайсці працы, часам галадала. У 1930 «Маладняк» і «Савецкая Беларусь» зноў пачалі друкаваць вершы Наталлі Вішнеўскай, але ў сувязі з узбуджэннем новай справы на А. Дудара і новымі допытамі, яна шукае паратунку ў Маскве (1930).

У Маскве працавала ў беларускай секцыі Дзяржвыдавецтва народаў СССР. Пасля яе ліквідацыі перайшла ў газету «Гудок», рэдагавала беларускую старонку. Там пазнаёмілася са сваім другім мужам А. Звонакам. У 1934 вярнулася ў Мінск. У 1936 па справах А. Дудара і А. Звонака зноў выклікалася на допыты. Арышту пазбегла, разам з маці падалася на Украіну, потым у Ленінград (1938), дзе выйшла замуж трэці раз за беларускага паэта Я. Бобрыка. З 1942 у Горкаўскай вобласці.

У 1945 вярнулася ў Ленінград, працавала бібліятэкарам. Выгадавала двух дзетдомаўскіх хлопцаў (абодва сталі капітанамі далёкага плавання). З 1962 на пенсіі. Да літаратурнай дзейнасці не вярнулася.

Бібліяграфія

• Бандарына З., Вішнеўская Н., Пфляўмбаум Я. Вершы. Мн., 1926.

Літаратура

• Маракоў Л. Тры замужжы Наталлі Вішнеўскай // Голас Радзімы. 1999. 10 — 17 чэрв.
• Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль.. — Смаленск, 2003. — 480 с. — ISBN 985-6374-04-9.