Ота фон Эміх

Ота фон Эміх
ням.: Otto von Emmich
Дата нараджэння	4 жніўня 1848(1848-08-04)
Месца нараджэння	Міндэн, раён Міндэн-Любеке[d], адміністрацыйная акруга Дэтмальд[d], Паўночны Рэйн-Вестфалія, Германія
Дата смерці	22 снежня 1915(1915-12-22) (67 гадоў)
Месца смерці	Гановер, Правінцыя Гановер, Каралеўства Прусія, Германскі рэйх
Месца пахавання	Engesohde city cemetery[d]
Грамадзянства	Каралеўства Прусія
Прыналежнасць	Германская імперыя
Род войскаў	Пяхота
Гады службы	1866 — 1915
Званне	Генерал пяхоты Генерал пяхоты
Бітвы/войны	Першая сусветная вайна
Узнагароды і званні	Ордэн «Pour le Mérite» Жалезны крыж 1-га класа Жалезны крыж 2-га класа Ордэн Чырвонага арла Вялікі крыж Ордэн Кароны
Медыяфайлы на Вікісховішчы

Ота фон Эміх (ням.: Otto von Emmich; 4 жніўня 1848, Міндэн — 22 снежня 1915, Гановер) — германскі ваенны дзеяч, генерал пяхоты.

Біяграфія

Нарадзіўся ў Міндэне ў 1848 годзе, у 1866 годзе паступіў на службу ў армію, у 55-ы пяхотны полк. Удзельнічаў у франка-прускай вайне. З 1872 года ад’ютант розных пяхотных падраздзяленняў. У 1897 годзе прызначаны камандзірам 114-га пяхотнага палка, у 1905 годзе камандзір 10-й пяхотнай дывізіі. У 1909 годзе з’яўляўся камандзірам 10-га армейскага корпуса, з якім уступіў у Першую сусветную вайну. Пасля пачатку баявых дзеянняў Эміх узначаліў зводны атрад нямецкіх войскаў (Мааская армія), якая штурмавала бельгійскую крэпасць Льеж. Пасля ўзяцця горада, першым з германскіх генералаў быў удастоены ўзнагароды Pour le Mérite падчас Першай сусветнай вайны. У пачатку 1915 года корпус Эміха быў перакінуты на Усходні фронт і ўвайшоў у склад 11-й арміі. Эміх прыняў удзел у паспяховай аперацыі па прарыву рускага фронту ў Горліцы. Актыўны ўдзельнік Люблін-Холмскай бітвы ў ліпені 1915 года.

Літаратура

• Залесский К.А. Кто был кто в Первой мировой войне. — М.: АСТ, 2003. — 896 с. — 5 000 экз. — ISBN 5-271-06895-1.

Спасылкі

• Ота фон Эміх на Хронасе