Павел Віталевіч Забелін

Павел Забелін
Агульная інфармацыя
Поўнае імя	Павел Віталевіч Забелін
Нарадзіўся	30 чэрвеня 1995(1995-06-30) (24 гады) Гродна, Гродзенская вобласць, Беларусь
Грамадзянства	Беларусь
Рост	195 см
Вага	87 кг
Пазіцыя	паўабаронца
Інфармацыя пра клуб
Клуб	Нёман
Нумар	18
Кар’ера
Клубная кар’ера*
2011 —	Нёман (Гродна)	34 (0)
2016	→  Баранавічы	13 (4)
2016 — 2017	→  Граніт (Мікашэвічы)	44 (13)
Нацыянальная зборная**
2015	Беларусь (да 21)	1 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 16 снежня 2018. ** Колькасць гульняў і галоў за нацыянальную зборную ў афіцыйных матчах, адкарэктавана станам на 19 красавіка 2015.

Павел Забелін (нар. 30 чэрвеня 1995) — беларускі футбаліст, паўабаронца гродзенскага «Нёмана».

Кар’ера

Клубная

Выхаванец СДЮШАР гродзенскага «Нёмана», з 2011 года выступаў за дубль клуба. У сезоне 2013 замацаваўся ў рэзервовай камандзе, стаў капітанам дубля. У 2014 годзе ўжо стаў прыцягвацца і да асноўнай каманды. Дэбютаваў у Вышэйшай лізе 14 верасня 2014 года ў матчы супраць «Дняпро», выйшаўшы на замену на 83-й хвіліне.

Перад сезонам 2015 значная колькасць маладых ігракоў, у тым ліку і Забелін, была пераведзена ў асноўны склад. 4 красавіка 2015 года забіў свой першы гол за «Нёман» (у браму БАТЭ ў адказным матчы чвэрцьфінала Кубка Беларусі, выніковы лік 1:2). У сезоне 2015 рэгулярна з’яўляўся ў асноўнай камандзе, пераважна выходзячы на замену.

У сакавіку 2016 года быў аддадзены ў арэнду «Баранавічам», а ў ліпені таго ж года перабраўся ў мікашэвіцкі «Граніт». У складзе «Граніта» стаў іграком асновы, у матчы апошняга тура забіў гол у браму «Белшыны» ўдарам з 35 метраў, аднак гэта на дапамагло мікашэвіцкаму клубу захаваць месца ў элітным дывізіёне. Па заканчэнні сезону 2016 вярнуўся ў Гродна.

У студзені 2017 года распачаў перадсезонную падрыхтоўку з «Нёманам», з якім у лютым падпісаў новы трохгадовы кантракт. Аднак, у сакавіку зноў далучыўся да «Граніта». У «Граніце» ў сезоне 2017 быў трывалым іграком асновы, з 12 галамі стаў найлепшым бамбардзірам каманды.

У студзені 2018 года быў аддадзены ў арэнду дэбютанту Вышэйшай лігі — клубу «Смалявічы», аднак ужо праз два тыдні арэнднае пагадненне было разарвана. Пазней праходзіў прагляд у «Крумкачах», аднак клуб не здолеў атрымаць ліцэнзію на ўдзел у Вышэйшай лізе, і паўабаронца вярнуўся ў «Нёман», у складзе якога пачаў сезон 2018. Гуляў пераважна за дубль, з 19 галамі стаў найлепшым бамбардзірам турніру дублёраў, у асноўнай камандзе правёў 9 матчаў у чэмпіянаце і 2 у Кубку Беларусі.

Міжнародная

15 красавіка 2015 года правёў сваю адзіную сустрэчу за моладзевую зборную Беларусі, выйшаўшы на замену ў другім тайме таварыскага матчу з юніёрскай зборнай Украіны.

Статыстыка выступленняў

Сезон	Дывізіён	Клуб	Краіна	Матчы	Галы
2011	дубль	Нёман		11	0
2012	дубль	Нёман		5	1
2013	дубль	Нёман		32	8
2014	Д1	Нёман		4	0
2015	Д1	Нёман		21	0
2016 (1)	Д2	Баранавічы		13	4
2016 (2)	Д1	Граніт		14	1
2017	Д2	Граніт		30	12
2018	Д1	Нёман		9	0

Спасылкі

• Профіль на афіцыйным сайце «Нёмана» (руск.) 
• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)