Павел Паўлавіч Кракалёў

Павел Паўлавіч Кракалёў
Дата нараджэння	1 красавіка 1936(1936-04-01) (87 гадоў)
Месца нараджэння	Порхаў, Порхаўскі раён, Ленінградская вобласць, РСФСР, СССР
Альма-матар	Харкаўскі архітэктурна-будаўнічы тэхнікум[d] (1955) Новасібірскі інжынерна-будаўнічы інстытут імя В. У. Куйбышава (1961)
Месца працы	Новасібірскі філіял ДзіпраНДІавіяпрама[d] Мінскпраект
Партыя	КПСС
Член у	Саюз архітэктараў СССР Беларускі саюз архітэктараў

Павел Паўлавіч Кракалёў (1 красавіка 1936, г. Порхаў, Пскоўская вобласць) — беларускі архітэктар.

Біяграфія

Скончыў у 1955 годзе Харкаўскі архітэктурна-будаўнічы тэхнікум, у 1961 годзе Новасібірскі інжынерна-будаўнічы інстытут. Працаваў у Новасібірскім філіяле Дзіпраавіяпрама, з 1966 года — галоўны архітэктар праектаў, кіраўнік майстэрні Мінскпраекта.

Член Саюза архітэктараў СССР з 1965 года. Член КПСС з 1976 года. Пражывае ў г. Мінск.

Творчасць

Будынак Інстытута меліярацыі

Дом мод-2 і будынак інстытута Белпобыттэхпраекта з боку Юбілейнай плошчы

Будынак Мінскпраекта па вуліцы Берсана

Асноўныя працы: будынак НДІ меліярацыі і воднай гаспадаркі (1974), новыя карпусы будынка ЦК КПБ (1975—1984), вытворчая база будуправы «Саюзмантажлегмаш» (1976) у Мінску, праект аднаўлення і рэканструкцыі сядзібы І. Я. Рэпіна — Здраўнёва Віцебскай вобласці (1983); у аўтарскім калектыве: будынак Мінскпраекта (1975), комплекс будынкаў Дома мод і Белбыттэхпраекта (1981), 9-павярховыя жылыя дамы па праспект Ракасоўскага і вуліцы Пляханава (1973—1982), будынак партархіва (1986).

Узнагароды

1—2-я прэміі на міжрэспубліканскім конкурсе за праект помніка беларускім і літоўскім партызанам (1970).

Літаратура

• Кракалев Павел Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1. (руск.)