Павел Сцяпанавіч Жук
| Павел Сцяпанавіч Жук | |
|---|---|
| Род дзейнасці | актывіст, публіцыст, аграном |
| Дата нараджэння | лістапад 1899 |
| Месца нараджэння | |
| Дата смерці | 2 снежня 1924 (25 гадоў) |
| Грамадзянства | |
| Альма-матар | |
| Член у | |
.svg){kind=small}
Па́вел (Паўлю́к) Сцяпа́навіч Жук (лістапад 1899, в. Падліпцы, цяпер Слуцкі раён, Мінская вобласць — 2 снежня 1924, Масква) — дзеяч беларускага нацыянальна-культурнага руху, публіцыст.
Біяграфія[правіць | правіць зыходнік]
Вучыўся ў Слуцкай камерцыйнай школе. У 1920 годзе слухаў курсы беларусазнаўства ў Слуцку. У 1921 годзе скончыў рабфак Пятроўскай (Ціміразеўскай) сельскагаспадарчай акадэміі ў Маскве, у 1922—1924 гадах быў студэнтам акадэміі. Сябра Беларускай культурна-навуковай асацыяцыі пры Пятроўскай сельскагаспадарчай акадэміі, з восені 1922 года яе старшыня.У 1923 годзе ўдзельнічаў у працы Беларускага студэнцкага зямляцтва ў Маскве[1].
Рыхтаваў навуковы зборнік «Балоты Беларусі», выступаў з артыкуламі і рэцэнзіямі ў пытаннях развіцця сельскай гаспадаркі ў газетах «Савецкая Беларусь», «Беларуская вёска», часопісе «Полымя», «Народное хозяйство Белоруссии» і іншых. У 1922 годзе ўдзельнічаў у экспедыцыі Наркамзема БССР па даследаванні беларускага тэрытарыяльна-гаспадарчага комплексу. Працаваў у Беларускім павільёне Усесаюзнай сельскагаспадарчай выстаўкі ў 1923 годзе. Патрапіў пад трамвай у Маскве, памёр у Бутырскай бальніцы. Пахаваны на могілках Галовінскага манастыра ў Маскве[2].
Памяць[правіць | правіць зыходнік]
У 1924 годзе група аграномаў ў Менску заснавала стыпендыю імя Паўла Жука для студэнтаў-беларусаў Ціміразеўскай акадэміі[1]. У 1925 годзе была выдадзеная кніга «Жук Паўлюк. Яго жыццё і творчасць», дзе, сярод іншага, змешчаны верш Уладзіміра Дубоўкі «Памяці Паўлы Жука»[2].
Зноскі
- ↑ а б ЭГБ 1996, с. 372.
- ↑ а б Алесь Марціновіч. Юнак з далёкіх дваццатых. zviazda.by (8 чэрвеня 2022).
Літаратура[правіць | правіць зыходнік]
- Жук Павел Сцяпанавіч // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — С. 372. — 10 000 экз. — ISBN 985-11-0041-2.
