Першаснаротыя

З Вікіпедыі, свабоднай энцыклапедыі
Першаснаротыя
Helix-Pomatia-Copulation.jpg
Helix pomatia
Навуковая класіфікацыя
Міжнародная навуковая назва

Protostomia Grobben, 1908

Падпарадкаваныя групы
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  914155
NCBI  33317
EOL  10459935
FW  85324

Першаснаротыя (Protostomia) — падраздзел двухбакова-сіметрычных беспазваночных жывёл, у якіх ротавая адтуліна ўтвараецца на месцы першаснага рота (бластапора) або яго пярэдняй часткі, анальная — на заднім канцы цела.

Да першаснаротых адносяцца імшанкі, кольчатыя чэрві, круглыя чэрві, малюскі, немертыны, плечаногія, плоскія чэрві, фараніды, членістаногія, аніхафоры, калючагаловыя, эхіўры, калаўроткі, скрэбні.

Шкілет вонкавы (кутыкула, хіцін ці ракавіна); пярэдняя і задняя кішкі развіваюцца праз прагінанне эктадэрмы; нервовая сістэма прадстаўлена нервовым ствалом і гангліямі (нервовымі вузламі), выдзяляльная — нефрыдыямі. Драбленне яйца спіральнае (калі не зменена другасна).

Першаснаротыя проціпастаўляюцца другаснаротым, у якіх ротавая адтуліна ўтвараецца незалежна ад першаснага рота.

Літаратура[правіць | правіць зыходнік]

  • Петрыкаў А. Першаснаротыя // БелЭн у 18 т. Т. 12. — Мн., 2001.