Пётр Мікалаевіч Маслаў

Пётр Мікалаевіч Маслаў
руск.: Пётр Николаевич Маслов
Дата нараджэння	28 снежня 1897(1897-12-28)
Месца нараджэння	Енгалычава[d], Карсунскі павет[d], Сімбірская губерня, Расійская імперыя
Дата смерці	27 жніўня 1965(1965-08-27) (67 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	навуковец
Навуковая сфера	хірургія
Месца працы	Казанскі ўніверсітэт Расійскі нацыянальны даследчы медыцынскі ўніверсітэт імя М. І. Пірагова Віцебскі дзяржаўны медыцынскі ўніверсітэт ІПКіПКАЗ БДМУ
Навуковая ступень	доктар медыцынскіх навук (1947)
Альма-матар	факультэт урачэбных навук Казанскага ўніверсітэта[d] (1924)
Вядомыя вучні	Рыгор Паўлавіч Шорах
Узнагароды

Пётр Мікалаевіч Ма́слаў (руск.: Пётр Николаевич Маслов; 28 снежня 1897 — 27 жніўня 1965) — вучоны ў галіне хірургіі, доктар медыцынскіх навук (1947), прафесар (1949). Заслужаны дзеяч навукі БССР (1964).

Біяграфія

Нарадзіўся ў сяле Енгалычава Карсунскага павета Сімбірскай губерні (зараз у Дубёнскім раёне Рэспублікі Мардовія, Расія). У 1914 годзе скончыў настаўніцкую школу, у 1917 годзе — Казанскую настаўніцкую семінарыю. Працаваў настаўнікам на радзіме. Удзельнік Грамадзянскай вайны. У 1924 годзе скончыў медыцынскі факультэт Казанскага ўніверсітэта. У 1927—1930 гадах асістэнт хірургічнай клінікі ў ім. У 1930—1935 гадах у Другім Маскоўскім медыцынскім інстытуце — асістэнт факультэцкай клінікі. У 1935—1941 гг. П. М. Маслаў на пасадзе дацэнта хірургічнай клінікі ў Цэнтральным інстытуце ўдасканалення ўрачоў. З пачаткам Вялікай Айчыннай вайны (у 1941—1942 гг.) працаваў у шпіталях, з 1942 года — у Інстытуце хірургіі Акадэміі медыцынскіх навук СССР. У 1948—1949 гг. у Віцебскім медыцынскім інстытуце на пасадзе загадчыка кафедрай шпітальнай хірургіі. З 1949 года П. М. Маслаў на пасадзе загадчыка кафедрай хірургіі ў Беларускім інстытуце ўдасканалення ўрачоў і адначасова на пасадзе начальніка 4-а Галоўнага ўпраўлення Міністэрства аховы здароўя БССР. У 1949—1955 гадах працаваў у Мінскім медыцынскім інстытуце загадчыкам кафедры агульнай хірургіі, у 1955—1965 гадах загадчыкам кафедрай факультэцкай хірургіі і адначасова на пасадзе дэкана факультэта.

Памёр П. М. Маслаў 28 жніўня 1965 года. Пахаваны на Усходніх (Маскоўскіх) могілках Мінска.

Навуковая дзейнасць

П. М. Маславу належаць навуковыя працы па хірургічным лячэнні хвароб органаў грудной поласці, страўнікава-кішэчнага тракту, навакаінавай блакадзе. Распрацаваў спосабы дыягностыкі вострага апендыцыту, займаўся пытаннямі штучнага кровазвароту, хірургічнага лячэння жоўцевакамянёвай хваробы і інш.

Аўтар каля 70 навуковых прац, у тым ліку 2 манаграфій.

Сярод апублікаванага:

• Диагностика и лечение кишечной непроходимости. — Мн. 1953.
• Клинические лекции по факультетской хирургии. — 1964. (у сааўтарстве)

Пад кіраўніцтвам П. М. Маслава абаронены 3 доктарскія і 32 кандыдацкія дысертацыі. Быў старшынёй Навуковага таварыства БССР, членам праўлення Усесаюзнага таварыства хірургаў, рэдакцыйных калегій часопісаў «Хирургия» і «Здравоохранение Белоруссии».

Узнагароды і званні

• Ордэн Леніна, медалі
• Ганаровая грамата Вярхоўнага Савета БССР (1964)
• Заслужаны дзеяч навукі Беларускай ССР (1964)

Літаратура

• Ма́слаў Пётр Мікалаевіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 186. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Маслов Петр Николаевич (16(28).12.1897-27.08.1965) Архівавана 30 мая 2019. (руск.) // Беларускі дзяржаўны медыцынскі ўніверсітэт
• Кафедра госпитальной хирургии с курсами урологии и детской хирурги (руск.) // Віцебскі дзяржаўны медыцынскі ўніверсітэт
• Маслов, Петр Николаевич (доктор медицинских наук ; 1897—1965)(недаступная спасылка) (руск.) // Нацыянальная бібліятэка Беларусі
• Маслов Пётр Николаевич (7.01.1898 — 27.08.1965) // Медицинский некрополь Архівавана 6 красавіка 2016. (руск.)