Павел Піліпавіч Дубашынскі

Павел Піліпавіч Дубашынскі
Дата нараджэння	14 сакавіка 1931(1931-03-14)
Месца нараджэння	Гарбуны[d], гміна Шаркаўшчына[d], Дзісенскі павет, Віленскае ваяводства, Польская Рэспубліка
Дата смерці	2 красавіка 2000(2000-04-02) (69 гадоў)
Грамадзянства	Польская Рэспубліка  СССР
Адукацыя	Беларускі дзяржаўны тэатральна-мастацкі інстытут (1955)
Прафесія	акцёр
Тэатр	Беларускі дзяржаўны акадэмічны тэатр юнага гледача Нацыянальны акадэмічны тэатр імя Янкі Купалы
Член у	БСТД
Узнагароды

Павел Піліпавіч Дубашы́нскі (14 сакавіка 1931, Гарбуны, цяпер злілася з в. Пялікі, Шаркаўшчынскі раён, Віцебская вобласць — 2 красавіка 2000) — беларускі акцёр. Народны артыст БССР (1989).

Біяграфія

Пасля заканчэння Беларускага тэатральна-мастацкага інстытута (1955, педагог Л. Мазалеўская) працаваў у Беларускім рэспубліканскім тэатры юнага гледача, з 1967 г. у тэатры імя Я. Купалы.

Сярод лепшых роляў: Шпекін («Рэвізор» М. Гогаля), Прысыпкін («Клоп» У. Маякоўскага) і інш. Дакладнасць малюнка, выразная пластыка, выкарыстанне гратэску, эксцэнтрыкі ўласцівы камедыйным ролям, створаным артыстам у тэатры імя Я. Купалы. Значнага поспеху дасягнуў у нацыянальным рэпертуары: Пракоп («Рудабельская рэспубліка» паводле С. Грахоўскага) і інш. Сярод роляў: Камендант («Трыбунал» А. Макаёнка), Гастрыт («Вечар» А. Дударава), Дабрыян («Брама неўміручасці» К. Крапівы), Князь К. («Дзядзечкаў сон» паводле Ф. Дастаеўскага).

Літаратура

• Дубашинский Павел Филиппович // Республика Беларусь : энциклопедия : в 6 т. / редкол.: Г. П. Пашков [и др.]. — Мн., 2006. — Т. 3. — С. 454. (руск.)
• Дубашы́нскі Павел Піліпавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 288. — 800 с. — 5 000 экз. — ISBN 985-11-0026-9.
• Дубашынскі Павел Піліпавіч // Памяць: Шаркаўшчынскі раён : гісторыка-дакументальныя хронікі гарадоў і раёнаў Беларусі / уклад. Л. М. Лабачэўская; маст. Э. Э. Жакевіч. — Мн., 2004 — С. 436.

Спасылкі

• Дубашынскі Павел Піліпавіч на сайце анлайн-энцыклапедыі «Беларусь у асобах і падзеях»
• Павел Дубашинский // Кино-Театр. РУ (руск.)