Радзівон Арцёмавіч Ахоцін

Радзівон Арцёмавіч Ахоцін
Дата нараджэння	24 красавіка 1907(1907-04-24)
Месца нараджэння	Мары-Лугавая[d], Чэбаксарскі павет[d], Казанская губерня, Расійская імперыя
Дата смерці	8 жніўня 1972(1972-08-08) (65 гадоў)
Месца смерці	Звянігаўскі раён[d], Марыйская АССР, РСФСР, СССР
Грамадзянства	СССР
Прыналежнасць	СССР
Род войскаў	партызаны
Званне	палкоўнік
Камандаваў	Расонская партызанская брыгада імя І. В. Сталіна
Бітвы/войны	Вялікая Айчынная вайна
Узнагароды і званні	Знак ранення[d]

Радзівон Арцёмавіч Ахоцін (24 красавіка 1907, вёска Мары-Лугавая, Звянігаўскі раён, Марый Эл — 8 жніўня 1972) — адзін з кіраўнікоў партыйнага падполля і партызанскага руху ў Віцебскай вобласці.

Біяграфія

Удзельнік савецка-фінляндскай вайны 1939—1940 гадоў. Член КПСС з 1940 года. Са жніўня 1941 года кіраўнік Межаўскай падпольнай арганізацыі (Расонскае партыйна-камсамольскае падполле), з мая 1942 года ўзначальваў штаб па кіраўніцтву партызанскім рухам у Расонскім раёне, адначасова быў камандзірам атрада, у ліпені 1942 — лістападзе 1943 гадоў камандзір Расонскай партызанскай брыгады імя І. В. Сталіна, адначасова член Расонскага РК КП(б)Б. З 1945 года служыў у Чырвонай Арміі, у 1947—1965 гадах на савецкай, партыйнай і адміністратыўна-гаспадарчай рабоце.

Яго імем названа вуліца ў гарадскім пасёлку Расоны.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.