Радзівон Валянцінавіч Сямук

Радзівон Сямук
Агульная інфармацыя
Поўнае імя	Радзівон Валянцінавіч Сямук
Нарадзіўся	11 сакавіка 1989(1989-03-11) (30 гадоў) Новавалынск, Валынская вобласць, УССР, СССР
Грамадзянства	Украіна
Рост	187 см
Вага	75 кг
Пазіцыя	брамнік
Інфармацыя пра клуб
Клуб	Славія-Мазыр
Нумар	30
Кар’ера
Клубная кар’ера*
2008 — 2011	Дынама (Брэст)	4 (-7)
2010	→  Хваля (Пінск)	9 (-8)
2012	Славія-Мазыр	1 (-2)
2013	Граніт (Мікашэвічы)	19 (-19)
2014	Смаргонь	16 (-16)
2015 — 2016	Ролька (Канаяды)
2016	Граніт (Мікашэвічы)	6 (-18)
2017 —	Славія-Мазыр	33 (-34)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 28 лістапада 2018.

Радзівон Сямук (нар. 11 сакавіка 1989, Новавалынск) — украінскі футбаліст, брамнік беларускага клуба «Славія-Мазыр».

Клубная кар’ера

Нарадзіўся ва Украіне, але кар’еру пачаў у беларускім клубе «Дынама» (Брэст). У 2010 годзе гуляў на правах арэнды за пінскую «Хвалю». Не здолеўшы прабіцца ў асноўны склад брэстчан, у 2012 годзе папоўніў склад мазырскай «Славіі», дзе быў другім брамнікам пасля Уладзіміра Гаева.

У 2013—2014 гадах гуляў у беларускай Першай лізе за клубы «Граніт» і «Смаргонь», дзе трывала з’яўляўся ў аснове. У 2015 годзе ад’ехаў у Польшчу, дзе выступаў за клуб чацвёртага дывізіёна «Ролька». У ліпені 2016 года вярнуўся ў Беларусь, зноў папоўніўшы склад «Граніта», дзе стаў чаргавацца на полі з Уладзіславам Васілючкам.

Пасля вылету «Граніта» з Вышэйшай лігі ў студзені 2017 года прыбыў на прагляд у «Славію» і неўзабаве падпісаў кантракт. Перад пачаткам сезону разглядаўся як другі брамнік пасля Ісы Ндоя, але ў сувязі з траўмамі апошняга Сямук нярэдка з’яўляўся ў стратавым складзе, правёўшы 14 матчаў у чэмпіянаце ў сезоне 2017. Сезон 2018 у Першай лізе пачынаў як асноўны брамнік мазыран, з лета пачаў чаргавацца ў браме з Міхаілам Бараноўскім.

Дасягненні

• Пераможца Першай лігі чэмпіянату Беларусі: 2018

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)