Раман Ігаравіч Ялётнаў

З пляцоўкі Вікіпедыя
Jump to navigation Jump to search
Раман Ялётнаў Біятланіст
Biathlon European Championships 2017 Sprint Men 1316.JPG
Агульная інфармацыя
Поўнае імя Раман Ігаравіч Ялётнаў
Грамадзянства Сцяг Беларусі Беларусь
Месца нараджэння
Пражыванне Мінск, Беларусь
Рост/Вага 179 см / 73 кг
Кар'ера (Кубак свету)

Рама́н І́гаравіч Ялё́тнаў (10 мая[1] 1993, Чавусы, Магілёўская вобласць) — беларускі біятланіст, удзельнік Кубка свету ў складзе зборнай Беларусі, чэмпіён Еўропы сярод юніёраў, Майстар спорту міжнароднага класа.

Кар’ера[правіць | правіць зыходнік]

Выхаванец біятлоннай секцыі СДЮШАР Чавускага раёна і ШВСМ горада Магілёва. Асабісты трэнер (па стане на 2016) — Андрэй Іваноў, трэнер у зборнай камандзе — Аляксандр Сыман.

Юніёрская кар’ера[правіць | правіць зыходнік]

Неаднаразова быў чэмпіёнам і прызёрам першынстваў Беларусі ў малодшых узроставых катэгорыях[2].

У міжнародных спаборніцтвах высокага ўзроўню ўдзельнічае з 2011 года. У 2012 годзе на чэмпіянаце свету сярод 19-гадовых ў Контыялахты быў сёмым у спрынце, 23-м у гонцы пераследвання, 31-м у індывідуальнай гонцы. У эстафеце ён выступаў сярод 21-гадовых спартсменаў, зборная Беларусі фінішавала 11-й.

На наступным сусветным чэмпіянаце, у 2013 годзе ў Аўстрыі, заняў 36-е месца ў спрынце і 27-е ў пераследванні, а ў эстафеце зборная Беларусі была восьмай. У тым жа годзе заняў 14-е месца на чэмпіянаце Еўропы сярод юніёраў у індывідуальнай гонцы, таксама на гэтым турніры быў 28-м у спрынце і сёмым у змяшанай эстафеце.

На чэмпіянаце Еўропы сярод юніёраў 2014 года ў Нове-Места-на-Мораве выйграў залаты медаль у спрынце[3]. У гонцы пераследу Раман, дапусціўшы 12 промахаў, фінішаваў толькі 21-м, а ў індывідуальнай гонцы прыйшоў шостым.

Дарослая кар’ера[правіць | правіць зыходнік]

На Кубке IBU дэбютаваў у сезоне 2011/12 на этапе ў Альтэнберге, дзе быў 75-м у індывідуальнай гонцы і 77-м у спрынце. У сезоне 2013/14 стаў рэгулярна ўдзельнічаць у гонках Кубка IBU, і на трэцім этапе сезона ў Рыднаў набраў свае першыя ачкі, заняўшы 39-е месца ў спрынце. На чэмпіянаце Еўропы 2014 года ўпершыню прыняў удзел у мужчынскай эстафеце, зборная заняла шостае месца. Лепшым вынікам у кар’еры Ялётнава на Кубку IBU з’яўляецца 24-е месца ў індывідуальнай гонцы на этапе ў Аўстрыі ў сезоне 2014/15.

У 2014 годзе на адкрытым чэмпіянаце Беларусі па летнім біятлоне паказаў лепшы вынік сярод беларускіх спартсменаў у спрынце, прапусціўшы наперад трох украінскіх біятланістаў[4].

У Кубке свету дэбютаваў у студзені 2015 года на этапе ў Обергофе, заняў 59-е месца ў спрынце, а таксама прыняў удзел у эстафеце, дзе зайшоў на тры штрафных круга і зборная Беларусі не фінішавала як адстаючая на круг. Усяго ў сваім першым сезоне Раман прыняў удзел у трох асабістых гонках Кубка свету і ні разу не набіраў ачкі.

На першым этапе Кубка свету сезона 2015/16 у Эстэрсундзе ў спрынтарскай гонцы паказаў свой лепшы вынік у кар’еры — 15 месца, у наступнай гонцы пераследвання адкаціўся на 52-ю пазіцыю. У далейшых гонках сезону яшчэ двойчы трапляў у ачковую зону, у агульным заліку сезона 2015/16 ідзе на 68-м месцы. На чэмпіянаце свету 2016 года прыняў удзел у двух гонках, заняў 61-е месца ў індывідуальнай гонцы і 74-е — у спрынце.

Агульны залік у Кубку свету[правіць | правіць зыходнік]

Асабістае жыццё[правіць | правіць зыходнік]

Вучыцца ў Магілёўскім дзяржаўным універсітэце ім. Куляшова.

Зноскі

Спасылкі[правіць | правіць зыходнік]