Расмус Эльм

Расмус Эльм
Агульная інфармацыя
Поўнае імя	Расмус Крыстафер Эльм
Нарадзіўся	17 сакавіка 1988(1988-03-17) (36 гадоў) Кальмар, камуна Кальмар, лен Кальмар, Швецыя
Грамадзянства	Швецыя
Рост	184 см
Вага	75 кг
Пазіцыя	нападнік
Інфармацыя пра клуб
Клуб	Кальмар
Пасада	трэнер
Маладзёжныя клубы
Юханфорс 2004—2005 Эмабода
Клубная кар’ера
2005—2009 Кальмар 96 (19) 2009—2012 АЗ 83 (18) 2012—2014 ЦСКА 47 (5) 2015—2019 Кальмар 72 (2)
Нацыянальная зборная
2003—2005 Швецыя (да 17) 15 (0) 2005—2007 Швецыя (да 19) 19 (5) 2007—2010 Швецыя (да 21) 18 (0) 2009—2013 Швецыя 39 (4)
Трэнерская кар’ера
2020— Кальмар трэнер
Медыяфайлы на Вікісховішчы

Расмус Крыстафер Эльм (шведск.: Rasmus Christoffer Elm; нар. 17 сакавіка 1988, Кальмар, Швецыя) — шведскі футбаліст, паўабаронца нацыянальнай зборнай Швецыі.

У цяперашні час працуе трэнерам у клубе «Кальмар».

Клубная кар’ера

«Кальмар»

Раннія гады сваёй кар’еры Эльм правёў у малазначных шведскіх клубах, якія выступалі ў ніжэйшых дывізіёнах краіны. Ягоным першым сур’ёзным клубам стаў «Кальмар», куды шведскі футбаліст прыйшоў у студзені 2005 года. Ён выступаў за гэты клуб да жніўня 2009 года. За гэты час паўабаронца правёў 96 гульняў у Алсвенскане і забіў 17 галоў. У 2007 годзе Эльм дапамог камандзе заняць другое месца ў чэмпіянаце, перамагчы ў нацыянальным кубку і стаць фіналістам Суперкубка. У сезоне 2008 ён разам з камандай стаў пераможцам чэмпіянату Швецыі, упершыню ў гісторыі клуба «Кальмар», гуляў у фінале Кубка і Суперкубка краіны.

АЗ

Дзякуючы сваёй удалай гульні ў «Кальмары» шведскі футбаліст прыцягнуў увагу клуба АЗ з Нідэрландаў. 27 жніўня 2009 года Расмус падпісаў з гэтым клубам чатырохгадовы кантракт. Дэбют паўабаронцы ў чэмпіянаце Нідэрландаў адбыўся 12 верасня 2009 года ў сустрэчы супраць «АДО Дэн Гааг». У сваім першым сезоне за АЗ Эльм правёў 23 матчы і забіў 3 галы. У наступным сезоне 2010/11 ён удзельнічаў у 28 гульнях чэмпіянату і адзначыўся 5 галамі.

ЦСКА

У канцы 2011 года з’явілася інфармацыя, што ў паслугах шведскага футбаліста зацікаўлены маскоўскі ЦСКА. Аднак Расмус прыняў рашэнне застацца ў ранейшым клубе. У ліпені 2012 года паведамлялася аб аднаўленні перамоў з нагоды пераходу Эльма ў склад чырвона-сініх. 25 ліпеня стала вядома, што клуб з Расіі дамовіўся з АЗ аб куплі паўабаронцы, сума трансферу меркавана склала больш за 6 млн еўра. 30 ліпеня футбаліст падпісаў з ЦСКА трохгадовы кантракт.

Вяртанне ў «Кальмар»

У студзені 2015 года вярнуўся ў «Кальмар». У пачатку 2020 года завяршыў кар’еру і перайшоў на трэнерскую працу ў клубе.

Міжнародная кар’ера

У жніўні 2007 года адбыўся дэбют Эльма ў моладзевай зборнай Швецыі, ігрок выйшаў на замену ў матчы з аднагодкамі з Уэльса. Да гэтага ён выступаў у юнацкай зборнай сваёй краіны. У 2009 годзе Расмус прыняў удзел у моладзевым чэмпіянаце Еўропы па футболе, дзе ягоная каманда ў паўфінале прайграла англічанінам у серыі пасляматчавых пенальці. У тым жа годзе трэнер галоўнай зборнай краіны Ларс Лагербек уключыў паўабаронцу ў склад нацыянальнай зборнай на таварыскія гульні. Ён дэбютаваў за зборную ў студзені 2009 года, а 11 лютага забіў свой ​​першы гол у сустрэчы супраць зборнай Аўстрыі.

Дасягненні

«Кальмар»:

• Чэмпіён Швецыі: 2008
• Уладальнік Кубка Швецыі: 2007
• Уладальнік Суперкубка Швецыі: 2009

ЦСКА:

• Чэмпіён Расіі (2): 2013, 2014
• Уладальнік Кубка Расіі: 2013
• Уладальнік Суперкубка Расіі (2): 2013, 2014

Спасылкі

• На Вікісховішчы ёсць медыяфайлы па тэме Расмус Эльм
• Профіль на афіцыйным сайце «Кальмара»