Растоўскі Барысаглебскі манастыр

Від на Барысаглебскі манастыр

Брама манастыра

Барысагле́бскі на Ву́сці манасты́р — помнік рускай архітэктуры ў пасёлку Барысаглебскім (на дарозе з Растова ў Угліч).

Заснаваны ў канцы 14 ст., пабудаваны ў 1-й палавіне 16 ст., каля Растова (цяпер Яраслаўская вобласць). Каля манастыра вырас пасёлак Барысаглебскі.

Ансамбль манастыра

Вакол цэнтральнай прамавугольнай плошчы — сабор Барыса і Глеба (1522—1524, прыпісваецца архітэктару Р. Барысаву), трапезная (з царквой Благавешчання; 1524—1526, архітэктар Барысаў; перабудавана ў 17 ст.), келлі (16 ст.), званіца (1680).

Манастыр абкружаны сценамі з 14 вежамі і 2 цэрквамі 17 ст. Прамавугольныя ў плане сцены з сіметрычна пастаўленымі брамамі і вежамі надаюць ансамблю рысы рэгулярнасці, а свабоднае размяшчэнне багатых пабудоў — жывапісны выгляд.

• 

  Надбрамная Стрэчанская царква (1692)

• 

  Надбрамная царква Сергія Раданежскага (1679)

• 

  Барысаглебскі сабор (1522—1524)

• 

  Унутры Барысаглебскага сабора

• 

  Благавешчанская царква

• 

  Званіца

Літаратура

• Барысаглебскі манастыр // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 2: Аршыца — Беларусцы. С. 327.

Спасылкі

• На Вікісховішчы ёсць медыяфайлы па тэме Растоўскі Барысаглебскі манастыр
• Барысаглебскі на Вусці мужчынскі манастыр // «Православная энциклопедия». (руск.)