Рыбінск[2] (руск.: Ры́бинск), (з 15 сакавіка 1984 па 4 сакавіка 1989 — Андро́паў) — другі па велічыні горад Яраслаўскай вобласціРасіі. Размешчаны за 82 км ад абласнога цэнтра горада Яраслаўля. Адміністрацыйны цэнтр Рыбінскага раёна, у які не ўваходзіць, мае статус горада абласнога значэння і ўтварае гарадскую акругу горад Рыбінск. Размешчаны на сутоку рэк Волгі, Шэксны і Чаромухі. Ганаровае званне Расійскай Федэрацыі «Горад працоўнай доблесці». 5 чэрвеня 2025 года Рыбінск увайшоў у нацыянальны турысцкі праект «Залатое кальцо Расіі».
Упершыню ў летапісе пад 1071 годам згадваецца паселішча на тэрыторыі сучаснага Рыбінска — Усць-Шэксна. З 1137 года яно называлася Рыбаньск, з 1504 года — Рыбная слабада. Пасля адкрыцця Вышневалоцкай воднай сістэмы (1709) слабада пачала хутка развівацца як гандлёвы цэнтр і месца перагрузкі суднаў. У 1777 годзе пераўтворана ў павятовы горад (з 1778 года — Рыбінск), з 1796 года ў Яраслаўскай губерні. У 19 стагоддзі Рыбінск — найбуйнейшы гандлёвы цэнтр на верхняй Волзе, дзе збіралася да 100 тыс. бурлакоў і грузчыкаў. У 1871 годзе адкрылася чыгунка, якая звязала Рыбінск з балтыйскімі партамі і Санкт-Пецярбургам. Развівалася харчовая (мукамольная, маслабойная і інш.), лёгкая і суднабудаўнічая прамысловасць. У 1885 годзе ў Рыбінску адбылася стачка грузчыкаў (каля 3 тыс. удзельнікаў). У перыяд Рэвалюцыі 1905-07 гадоў у Рыбінску прайшоў шэраг забастовак.
Расія
![Сцяг[d]](/wiki/%D0%A4%D0%B0%D0%B9%D0%BB:Flag_of_Rybinsk.png)
.png)
