Рыгор Пятровіч Грысевіч

Рыгор Пятровіч Грысевіч
Наркам лёгкай прамысловасці БССР 1932 — 1933
Папярэднік	пасада ўтвораная, ён сам, як старшыня ВСНГ
Пераемнік	Аўгуст Балцін
Старшыня ВСНГ БССР 17 верасня 1929 — 1932
Папярэднік	Сяргей Карп
Пераемнік	пасада скасаваная, ён сам, як наркам лёгкай прамысловасці
Намеснік Старшыні СНК БССР 17 верасня 1929 — 1932
Кіраўнік урада	Мікалай Галадзед
Нараджэнне	1896 Бельск, Бельскі павет, Гродзенская губерня, Літоўскае генерал-губернатарства, Расійская імперыя
Смерць	1938
Партыя	Камуністычная партыя Савецкага Саюза
Бітвы	Першая сусветная вайна Грамадзянская вайна ў Расіі

Рыго́р Пятро́віч Грысе́віч (1896, г. Бельск, Гродзенская губерня, Расійская імперыя — 1938) — дзяржаўны дзеяч БССР.

Біяграфія

Скончыў Ленінградскі камуністычны ўніверсітэт (1926).

З 8 гадоў пачаў працаваць на кафляным заводзе ў Бельску. У 1910 годзе за ўдзел у забастоўцы звольнены з завода. Уладкаваўся на чыгунку. У 1915 годзе быў мабілізаваны ў армію і накіраваны на фронт. У 1917 годзе ўступіў у РКП(б). У 1918—1920 гадах у Чырвонай арміі. У 1920—1921 гадах на гаспадарчай і партыйнай рабоце ў Баранавічах. Пасля заключэння Рыжскага міру і перадачы Заходняй Беларусі Польшчы пераехаў у Барысаў. На працягу 1926—1929 гадоў сакратар Магілёўскага, Бабруйскага акруговых камітэтаў КП(б)Б. З 1929 года старшыня Вышэйшага савета народнай гаспадаркі БССР, у 1932—1933 гадах наркам лёгкай прамысловасці БССР. Падчас барацьбы ўнутры партыйнай вярхушкі КП(б)Б па загаду Гікалы Грысевіч, як чалавек Галадзеда быў зняты з пасад і накіраваны начальнікам палітаддзела чыгункі ў Сібір. Арыштаваны і расстраляны ў 1938 годзе. Рэабілітаваны ў 1956 годзе.

Член ЦК КП(б)Б у 1927—1934, член Бюро ЦК КП(б)Б у 1929—1934.

Літаратура

• Грысевіч Рыгор Пятровіч // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — С. 164. — 10 000 экз. — ISBN 985-11-0041-2.