Рэчыцкі метызны завод

«Рэчыцкі метызны завод»
Тып	Адкрытае акцыянернае таварыства
Заснаванне	1912
Размяшчэнне	Рэспубліка Беларусь, Гомельская вобласць, горад Рэчыца
Ключавыя постаці	генеральны дырэктар Віктар Георгіевіч Самончык
Галіна	Чорная металургія
Прадукцыя	метызы: цвікі, шрубы, балты, крапяжы і інш.
Матчына кампанія	ААТ БМЗ - кіруючая кампанія холдынгу БМК
Сайт	rmz.by

ААТ «Рэчыцкі метызны завод» — адзін з першых заводаў у металургічнай прамысловасці Беларусі. Вырабляе цвікі будаўнічыя, машынныя, спецыяльныя, шрубы і іншыя крапёжныя вырабы. Гэта найбуйнейшае прадпрыемства па вытворчасці цвікоў у Рэспубліцы Беларусь, адзін з лідараў у СНД па асартыменце спецыяльных цвікоў, а таксама адзінае прадпрыемства ў рэспубліцы, дзе ў аўтаматычным рэжыме ажыццяўляецца гарачае цынкаванне труб. Рэчыцкі метызны завод — экспартаарыентаванае прадпрыемства. Доля экспарту ў агульным аб’ёме вытворчасці складае амаль 80 %

Завод заснаваны ў 1912 годзе ў г. Рэчыца братамі Уладзімірам і Барысам Рык як вытворца цвікова-драцяной прадукцыі. У 1940 годзе вырабляў 27 тон цвікоў за суткі. У 1941 годзе галоўныя вузлы і агрэгаты заводы былі эвакуіраваны ў Ніжні Ноўгарад і Барнаул. Адноўлены ў 1943 годзе. У 1945 годзе выпусціў 1000 тон цвікоў і шрубаў. З 2006 года ААТ «Рэчыцкі метызны завод» уваходзіць у склад холдынгу «Беларуская металургічная кампанія».

У 2000-10-х на заводзе актыўна ідзе мадэрнізацыя. Значна пашырыўся і асартымент выпускаемай прадукцыі. У праграму вытворчасці ўвайшлі больш за 85 відаў цвікоў. У 2004 годзе на заводзе былі ўсталяваныя 16 сучасных італьянскіх машын па вытворчасці машынных цвікоў. У перыяд з 2006 па 2009 год быў пераўзброены цэх спецыяльных крапёжных вырабаў.

Цікавыя факты

• На сайце прадпрыемства можна наведаць віртуальны музей «Цвік»
• Завод прадстаўляе каманда КВЗ «Гаечкі»

Літаратура

• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).