Саву (народ)

З пляцоўкі Вікіпедыя
(Пасля перасылкі з Саву, народ)
Jump to navigation Jump to search
Саву
(Hawu)
COLLECTIE TROPENMUSEUM De Radja van Timoe Ama Piga Djara met zijn gezin Sawoe TMnr 10006076.jpg
Фота 1930 г.
Агульная колькасць 135 тыс. чал. (2015 г.)
Рэгіёны пражывання востраў Саву
Мова саву
Рэлігія хрысціянства, анімізм, культ продкаў
Блізкія этнічныя групы сумба (хумба), мбоджа

Са́ву, або ха́ву (саманазва: Hawu) — карэннае насельніцтва вострава Саву ў Інданезіі. Агульная колькасць - 135 тыс. чал. (2015 г.)[1]

Паходжанне[правіць | правіць зыходнік]

Саву маюць аўстранезійскае паходжанне, размаўляюць на мове, блізкай да моў Сумбы. Аднак у перыяд позняга сярэднявечча востраў Саву знаходзіўся пад уплывам яванскай індуісцкай дзяржавы Маджапахіт, што адлюстравалася на мясцовай міфалогіі. Саву лічаць сябе нашчадкамі выхадцаў з Індыі.

Традыцыйная культура[правіць | правіць зыходнік]

Галоўны занятак саву — сельская гаспадарка. Паколькі яны насяляюць даволі засушлівы рэгіён, земляробства залежыць ад умелага сумеснага выкарыстання водных рэсурсаў. Вузкія палосы апрацаванай зямлі абсажваюць дрэвамі, якія захоўваюць вільгаць. Да нашых дзён большая частка працы выконваецца ўручную. Вырошчваюць розныя культуры — бабовыя, рыс, кукурузу, цукровую пальму, гародніну, бавоўнік. Трымаюць кароў, авечак, коз, коняў, кур, свінняў.

Важны рамесны занятак — ткацтва. Яно набыло камерцыйнае значэнне толькі ў часы галандскага каланіяльнага панавання ў другой палове XIX - першай палове XX ст. Тканіны ікат вырабляюць з бавоўны, фарбуюць натуральнымі пігментамі.

Пераважаюць нуклеарныя сем'і, якія ўваходзяць у пэўны бацькоўскі род уду. Прыналежнасць да ўду лічыцца вызначальнай, паколькі менавіта яна, а не мова, месца пражывання і паўседзённая культура вызначаюць прыналежнасць да народа саву. Кожны род згодна паходжанню мае свой сацыяльны статус. Вясковыя сем'і аб'яднаны тэрытарыяльнымі абшчынамі, што кантралююць зямельныя і водныя рэсурсы. Да пачатку XX ст. уся тэрыторыя вострава Саву была падзелена на дробныя дзяржаўныя ўтварэнні, на чале якіх стаялі спадчынныя правадыры-раджы.

Фальклор саву адметны музычным мастацтвам. Найбольш папулярны традыцыйны музычны інструментгонг.

Рэлігія[правіць | правіць зыходнік]

Дзякуючы высілкам галандскіх місіянераў у XIX - першай палове XX стст. большасць саву прыняла хрысціянства. Больш за 75% насельніцтва вострава Саву спавядае пратэстантызм. 20% належаць да вернікаў традыцыйнай рэлігіі джынгі тыы эў, заснаванай на анімістычных вераваннях і кульце продкаў. Рытуалы джынгі тыы эў арганізуюць святары. У мінулым галоўнымі святарамі былі толькі прадстаўнікі рода Джары-Га, аднак у пачатку XXI ст. яны прынялі хрысціянства.

Зноскі

Спасылкі[правіць | правіць зыходнік]

Літаратура[правіць | правіць зыходнік]

  • Бернова А. А. Хаву // Народы и религии мира / Глав. ред. В. А. Тишков. — М.: Большая Российская Энциклопедия, 1999.
  • Бромлей Ю. В., Арутюнов С. А. Народы мира: историко-этнографический справочник. — Советская энциклопедия, 1988. — С. 101;
  • Большой энциклопедический словарь / Под ред. А. М. Прохорова. Т. 1. — 1991. — С. 137;
  • [Кондрашов А.] Большой новейший справочник необходимых знаний. — 2005. — С. 959.