Свята-Крыжаўзвіжанская царква (Бродніца)

Праваслаўны храм
Свята-Крыжаўзвіжанская царква
52°07′40″ пн. ш. 25°41′22″ у. д.
Краіна	Беларусь
Аграгарадок	Бродніца
Канфесія	Беларуская праваслаўная царква
Епархія	Пінская і Лунінецкая епархія
Архітэктурны стыль	народнае дойлідства з рысамі класіцызму і рэтраспектыўна-рускага стылю
Дата пабудовы	1865
Статус	Гісторыка-культурная каштоўнасць Беларусі, шыфр 113Г000263
Медыяфайлы на Вікісховішчы

Царква Уздзвіжання Крыжа Гасподняга — праваслаўны храм у цэнтры в. Бродніца (Іванаўскі раён). Помнік драўлянага дойлідства з рысамі класіцызму і рэтраспектыўна-рускага стылю. Пабудавана ў 1865 г. з дрэва.

Архітэктура

Падоўжна-восевую аб'ёмна-прасторавую кампазіцыю храма складаюць двух'ярусная чацверыковая званіца-прытвор, малітоўная зала (васьмярык на чацверыку), пяцігранная апсіда з бакавымі рызніцамі. Шатры званіцы і васьміграннага барабана ўвенчаны макаўкамі. Адзінарныя і здвоеныя прамавугольныя аконныя праёмы аформлены фігурнымі ліштвамі, вылучанымі на гарызантальнай шалёўцы фасадаў. Увоход аформлены двухслуповым ганкам пад двухсхільным пакрыццём.

Мастацкую каштоўнасць уяўляюць абразы 19 — пачатку 20 ст. «Архангел Гаўрыіл», «Прападобны Серафім», «Маці Божая з дзіцем», «Архангел Міхаіл», «Спас Пантакратар». Мастацкім рарытэтам з'яўляецца абраз 1712 г. «Маці Божая Адзігітрыя» (дошка, тэмперны жывапіс па леўкасу, адноўлены ў 1865).

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Спасылкі

• На Вікісховішчы ёсць медыяфайлы па тэме Свята-Крыжаўзвіжанская царква (Бродніца)
• Свята-Крыжаўзвіжанская царква (Бродніца) на сайце Radzima.org
• Свята-Крыжаўзвіжанская царква (Бродніца) на сайце Глобус Беларусі (руск.)
• Свята-Крыжаўзвіжанская царква (Бродніца) на сайце «Архіварта»