Свята-Пакроўская царква (Вялікія Чучавічы)
Праваслаўны храм | |
Свята-Пакроўская царква | |
---|---|
![]() | |
52°34′49,5″ пн. ш. 26°51′23,2″ у. д.HGЯO | |
Краіна |
![]() |
Аграгарадок | Вялікія Чучавічы |
Канфесія | Беларуская праваслаўная царква |
Епархія | Пінская і Лунінецкая |
Архітэктурны стыль | народнае дойлідства |
Будаўніцтва | 1846—1851 гады |
Статус |
![]() |
![]() |
Свята-Пакроўская царква — праваслаўны храм у в. Вялікія Чучавічы Лунінецкага раёна.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/a/ab/%D0%9F%D0%B0%D0%BA%D1%80%D0%BE%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0._1910_%D0%B3._%D0%B2._%D0%92%D1%8F%D0%BB%D1%96%D0%BA%D1%96%D1%8F_%D0%A7%D1%83%D1%87%D0%B0%D0%B2%D1%96%D1%87%D1%8B.jpg/220px-%D0%9F%D0%B0%D0%BA%D1%80%D0%BE%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0._1910_%D0%B3._%D0%B2._%D0%92%D1%8F%D0%BB%D1%96%D0%BA%D1%96%D1%8F_%D0%A7%D1%83%D1%87%D0%B0%D0%B2%D1%96%D1%87%D1%8B.jpg)
Пабудаваная ў 1846—1851 гадах па фундацыі Вітгенштэйнаў. У 1908 годзе перабудаваная (з захаду прыбудаваная трох'ярусная званіца з шатровым дахам).
Помнік драўлянага дойлідства. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.
Архітэктура[правіць | правіць зыходнік]
Трохзрубны развіты па падоўжнай восі будынак з прамавугольным у плане бабінцам, квадратным цэнтральным аб'ёмам, завершаным васьмерыком на ветразях і пяціграннай апсідай. Апсіда накрытая вальмавым, бабінец — двухсхільным дахамі, над цэнтральным аб'ёмам — дах складанай формы, які ўтварае на чатырох фасадах трохвугольныя шчыты і завершаны дэкаратыўным пяцігалоўем. Звонку сцены ашаляваныя, прарэзаныя высокімі арачнымі (у цэнтры васьмерыка спаранымі) праёмамі. Галоўны і два бакавыя фасады акцэнтуюць уваходы з захаду ганкамі на парных разных слупах. У кампазіцыйным рашэнні царквы адчуваецца ўплыў паўночна-рускага драўлянага дойлідства.
Інтэр'ер[правіць | правіць зыходнік]
![](http://upload.wikimedia.org/wikipedia/commons/thumb/5/5b/%D0%92%D1%8F%D0%BB%D1%96%D0%BA%D1%96%D1%8F_%D0%A7%D1%83%D1%87%D0%B0%D0%B2%D1%96%D1%87%D1%8B._%D0%A1%D0%B2%D1%8F%D1%82%D0%B0-%D0%9F%D0%B0%D0%BA%D1%80%D0%BE%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0_%2801%29.jpg/220px-%D0%92%D1%8F%D0%BB%D1%96%D0%BA%D1%96%D1%8F_%D0%A7%D1%83%D1%87%D0%B0%D0%B2%D1%96%D1%87%D1%8B._%D0%A1%D0%B2%D1%8F%D1%82%D0%B0-%D0%9F%D0%B0%D0%BA%D1%80%D0%BE%D1%9E%D1%81%D0%BA%D0%B0%D1%8F_%D1%86%D0%B0%D1%80%D0%BA%D0%B2%D0%B0_%2801%29.jpg)
У інтэр'еры пануе цэнтральная двухсветлавая падкупальная прастора храма, абмежаваная паруснай драўлянай канструкцыяй. Апсіда аддзелена разным пазалочаным іканастасам. Абразы: «Маці Божая Адзігітрыя» (18 ст.), «Пакроў Маці Божай», фератрон «Георгій Перамоганосец» і «Пакроў Маці Божай» (усе пачатку 19 ст.), драўляная скульптура «Укрыжаванне» (19 ст.).
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі[правіць | правіць зыходнік]
![]() |
Свята-Пакроўская царква (Вялікія Чучавічы) на Вікісховішчы |
---|
- Свята-Пакроўская царква (Вялікія Чучавічы) на сайце Radzima.org
- Свята-Пакроўская царква (Вялікія Чучавічы) на сайце Глобус Беларусі (руск.)
- Свята-Пакроўская царква (Вялікія Чучавічы) на сайце «Архіварта»