Свята-Троіцкая царква (Крывічы)
Праваслаўны храм | |
Свята-Троіцкая царква | |
---|---|
Свята-Троіцкая царква ў Крывічах | |
54°42′47,22″ пн. ш. 27°17′26,30″ у. д.HGЯO | |
Краіна |
![]() |
Гарадскі пасёлак | Крывічы |
Канфесія | Беларуская праваслаўная царква |
Епархія | Маладзечанская епархія |
Архітэктурны стыль | рэтраспектыўна-рускі стыль |
Дата пабудовы | 1887 год |
Статус |
![]() |
![]() |
Свята-Троіцкая царква — праваслаўны храм у г.п. Крывічы Мядзельскага раёна Мінскай вобласці.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/9/97/Kryvi%C4%8Dy%2C_Trajeckaja._%D0%9A%D1%80%D1%8B%D0%B2%D1%96%D1%87%D1%8B%2C_%D0%A2%D1%80%D0%B0%D0%B5%D1%86%D0%BA%D0%B0%D1%8F_%281900%29.jpg/220px-Kryvi%C4%8Dy%2C_Trajeckaja._%D0%9A%D1%80%D1%8B%D0%B2%D1%96%D1%87%D1%8B%2C_%D0%A2%D1%80%D0%B0%D0%B5%D1%86%D0%BA%D0%B0%D1%8F_%281900%29.jpg)
Знаходзіцца ў цэнтры пасёлка. Пабудавана ў 1887 г. з цэглы і бутавага каменю на ўрадавыя сродкі. Царкоўны пагост акаймаваны бутавай агароджай з 3-арачнай брамай. Да 1990-х гг. была закрыта.
У архіўных дакументах адзначаецца існаванне ў 1639 г. царквы ў цэнтры гандлёвай плошчы і царквы на беразе р. Сэрвач, у 1800 г. — драўлянай уніяцкай царквы. Апошняя пасля скасавання уніі стала праваслаўнай (у 1881 прыхаджане хадайнічалі аб стварэнні іканастаса), але да 1880-х гг. прыйшла ў заняпад і была закрыта[1].
Архітэктура
[правіць | правіць зыходнік]Помнік архітэктуры рэтраспектыўна-рускага стылю. У аснове будынка — кубападобны аб'ём малітоўнай залы, да якога з усходу далучаецца паўкруглая апсіда, з заходу праз трапезную — трох'ярусная шатровая званіца-прытвор (васьмярык на 2 чацверыках). Асноўны аб'ём накрыты пакатым чатырохсхільным дахам з васьмігранным барабанам і цыбулепадобным купалам; шацёр званіцы завершаны макаўкай. Арачныя аконныя праёмы і 3 уваходныя парталы дэкарыраваны кілепадобнымі ліштвамі. Фасады ўпрыгожаны падаконнымі нішамі і нішамі-крыжамі, апяразаны зубчастымі фрызамі і прафіляванымі карнізамі.
Зноскі
- ↑ Минские епархиальные ведомости. 1886. № 5. С. 129—132.
Літаратура
[правіць | правіць зыходнік]- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі
[правіць | правіць зыходнік]На Вікісховішчы ёсць медыяфайлы па тэме Свята-Троіцкая царква (Крывічы)
- Свята-Троіцкая царква (Крывічы) на сайце Radzima.org
- Свята-Троіцкая царква (Крывічы) на сайце Глобус Беларусі (руск.)
- Свята-Троіцкая царква (Крывічы) на сайце «Архіварта»