Сем камянёў

Сем камянёў
Сем камянёў
Жанр	Казка, фэнтэзі
Аўтар	Аляксей Шэін
Мова арыгінала	беларуская
Дата першай публікацыі	2015
Выдавецтва	Пазітыў-цэнтр
Колькасць старонак	416
Афармленне	Раман Сустаў
	Электронная версія
ISBN	978-985-6983-53-8

«Сем камянё́ў» — кніга беларускага аўтара Аляксея Шэіна. Жанр — мастацкая проза, фэнтэзі. Выдадзена ў 2015 годзе выдавецтвам «Пазітыў-цэнтр».

Сюжэт[правіць | правіць зыходнік]

Галоўны герой кнігі, хлопец па імі Ясь, апынуўся ў дзівоснай краіне Эферыі. Ён імкнецца разгадаць загадку крышталяў, тайна якіх схавана ў вяках, для выратавання жыцця сваёй сяброўкі. Пра прыход героя, якім апынецца сам Ясь, гаворыцца ў старажытных летапісах, якія называюць яго «Дастойным». Толькі ён адзін зможа раскрыць таямніцу Сямі Камянёў^[1].

У чароўнай краіне Эфэрыі хлопцу Ясю даводзіцца змагацца за жыццё сваёй невылечна хворай сяброўкі Міркі. Выпадкова хлопец чуе, што ў гэтай краіне калісьці была крыніца жывой вады. Але, каб яе адшукаць, трэба напачатку знайсці сем камянёў, якія і падкажуць, дзе схавана гэта крыніца.

Сама ж краіна знаходзіцца пад прыгнётам самазванца, які захапіў уладу і несправядліва кіруе народам. І паралельна галоўны герой змагаецца і за вяртанне свабоды краіне Эфэрыі^[2].

Змест[правіць | правіць зыходнік]

Першы дзень
Другі дзень
Трэці дзень
Чацвёрты дзень
Пяты дзень
Шосты дзень
Сёмы дзень

Водгукі на кнігу[правіць | правіць зыходнік]

Літаратурны крытык Ганна Янкута пра кнігу кажа, што: «Гэта раман пра цуды, якія, хоць і здараюцца ў дзівосным свеце, закліканыя падкрэсліць, што ў цудзе няма нічога надзвычайнага. А яшчэ — пра прыгоды, перажыць якія таемна марыць ці не кожны захоплены чытач. Падазраю, што ад узросту гэта не залежыць».

Журналіст і адзін з аўтараў праекту Velvet.by Ганна Севярынец выказалася, што «Раман — вельмі цікавы. Неспрактыкаваны чытач знойдзе ў ім асаблівы свет, захапляльны сюжэт і цікавых герояў, спрактыкаваны — выявіць глыбокую хрысціянскую падаплёку. Сем частак рамана, сем цудоўных камянёў, сем дзён стварэння свету, персанажы, у якіх так раптоўна адгадваюцца героі, вядомыя нам паводле зусім іншых гісторыяў... Па-мойму, у беларускай літаратуры нічога падобнага пакуль яшчэ не было. Зусім. І вось з’яўляецца»^[1].

Прэміі[правіць | правіць зыходнік]

2017 год — кніга была адзначана Еўрапейскім таварыствам навуковай фантастыкі за лепшы літаратурны дэбют. Прэмія штогод уручаецца прадстаўнікамі Таварыства на Eurocon — еўрапейскім кангрэсе навуковай фантастыкі, які ў 2017 годзе прайшоў у нямецкім Дортмундзе^[3]

Намінацыі[правіць | правіць зыходнік]

2016 год — намінавана на літаратурную прэмію Цёткі (заснавальнікі прэміі — Беларускі ПЭН-цэнтр, фонд «Вяртанне», СБП) у намінацыі «Найлепшая кніга для дзяцей і падлеткаў»^[4].
2016 год — намінавана на літаратурная прэмію Ежы Гедройца
2016 год — намінавана на літаратурная прэмію «Кніга году»

Зноскі

↑ ^а ^б Шэін Аляксей. Сем камянёў (нявызн.) . Prastora.by. Праверана 24 чэрвеня 2015.
↑ Аляксей Шэін кінуў выклік Толкіену і Льюісу — напісаў першае беларускае фэнтэзі (нявызн.) . Радыё Свабода (18 красавіка 2015). Праверана 24 чэрвеня 2015.
↑ Аляксей Шэін атрымаў міжнародную прэмію за кнігу фэнтэзі (нявызн.) . Новы Час (21 чэрвеня 2017). Праверана 22 студзеня 2018.
↑ Назван полный список Литературной премии Тетки (нявызн.) . Наша Ніва (9 сакавіка 2016). Архівавана з першакрыніцы 16 сакавіка 2016. Праверана 16 сакавіка 2016.

[prastora-1] а ^б Шэін Аляксей. Сем камянёў (нявызн.) . Prastora.by. Праверана 24 чэрвеня 2015.

[2] Аляксей Шэін кінуў выклік Толкіену і Льюісу — напісаў першае беларускае фэнтэзі (нявызн.) . Радыё Свабода (18 красавіка 2015). Праверана 24 чэрвеня 2015.

[3] Аляксей Шэін атрымаў міжнародную прэмію за кнігу фэнтэзі (нявызн.) . Новы Час (21 чэрвеня 2017). Праверана 22 студзеня 2018.

[4] Назван полный список Литературной премии Тетки (нявызн.) . Наша Ніва (9 сакавіка 2016). Архівавана з першакрыніцы 16 сакавіка 2016. Праверана 16 сакавіка 2016.

[1]

[2]

[3]

[4]