Сяргей Аляксандравіч Ясенін

Сяргей Аляксандравіч Ясенін
руск.: Сергей Александрович Есенин
Асабістыя звесткі
Дата нараджэння	21 верасня (3 кастрычніка) 1895[…]
Месца нараджэння	Канстанцінава, Разанскі павет[d], Разанская губерня, Расійская імперыя
Дата смерці	28 снежня 1925(1925-12-28)[…] (30 гадоў)
Месца смерці	Ленінград, СССР
Пахаванне	Ваганькаўскія могілкі
Грамадзянства	Расійская імперыя  Расійская рэспубліка  РСФСР  СССР
Жонка	Anna Izryadnov[d], Зінаіда Мікалаеўна Райх[d], Айседора Дункан і Соф'я Андрэеўна Ясеніна-Талстая[d]
Дзеці	Таццяна Сяргееўна Ясеніна[d], Аляксандр Сяргеевіч Ясенін-Вольпін і Канстанцін Сяргеевіч Ясенін[d]
Альма-матар	МДУ
Прафесійная дзейнасць
Род дзейнасці	паэт, пісьменнік
Гады творчасці	1910 — 1925
Жанр	паэзія, верш і паэма
Мова твораў	руская
Подпіс
esenin.ru (руск.)
Творы ў Вікікрыніцах
Медыяфайлы на Вікісховішчы

Сярге́й Алякса́ндравіч Ясе́нін (21 верасня (3 кастрычніка) 1895, сяло Канстанцінава, Разанская губерня — 28 снежня 1925, Ленінград) — рускі паэт, адзін з самых папулярных і вядомых рускіх паэтаў XX стагоддзя.

Біяграфічныя звесткі

Скончыў царкоўна-настаўніцкую школу ў Спас-Клепіках (1912). У 1912—15 працаваў канторшчыкам, карэктарам, вучыўся ў Народным універсітэце імя А. Шаняўскага ў Маскве, удзельнічаў у Сурыкаўскім літаратурна-музычным гуртку. Паводле афіцыйнай версіі скончыў жыццё самагубствам.

Быў жанаты з Айседорай Дункан.

Творчасць

Друкаваўся з 1914 (верш «Бяроза»). 3 першых зборнікаў «Радуніца» (1916), «Блакіт», «Ператварэнне», «Сельскі часаслоў» (усе 1918) выступіў як тонкі лірык, майстар глыбока псіхалагізаванага пейзажу, пясняр вясковай Русі, знаўца народнай мовы і народнай душы. У 1919—23 уваходзіў у групу імажыністаў. У кнізе «Масква кабацкая» (1924), паэмах «Кабыліныя караблі» (1920), «Чорны чалавек» (апубл. 1926) трагічнае светаадчуванне, душэўны неспакой. У паэмах «Балада пра дваццаць шэсць», кнізе «Русь Савецкая» (абедзве 1924) імкненне спасцігнуць паслярэвалюцыйную Расію. У паэме «Ганна Снегіна» (1925) рамантычнае каханне на фоне рэвалюцыйных падзей у роднай вёсцы. Пачуццём душэўнага прасвятлення, светлага кахання, шчырай любові да Радзімы прасякнуты цыкл вершаў «Персідскія матывы» (1925). Выразнымі рысамі паэзіі Сяргея Ясеніна з'яўляюцца персаніфікацыя прыродных з'яў, багатая палітра фарбаў з мноствам адценняў, надзвычайная меладычнасць.

Аўтар драматычных паэм «Пугачоў» (1922), «Краіна нягоднікаў» (1924—26), аповесці «Яр» (1916), апавяданняў «Каля Светлай Вады» (1916), «Бабыль і Дружок» (1917), нарыса пра ўражанні аб паездцы ў ЗША «Жалезны Міргарад» (1923), літаратурна-крытычных артыкулаў.

Бібліяграфія

• Собр. соч. Т. 1—6. М, 1977—80.

Беларускія пераклады

• Выбранае: Вершы і паэмы. Мн., 1976.