Сілвінью

Сілвінью
Агульная інфармацыя
Поўнае імя	Сілвіу Мендыс Кампус Жуніяр
Нарадзіўся	12 красавіка 1974(1974-04-12) (46 гадоў) Сан-Паўлу, штат Сан-Паўлу, Бразілія
Грамадзянства	Бразілія Іспанія
Рост	173 см
Вага	66 кг
Пазіцыя	абаронца
Кар’ера
Маладзёжныя клубы
1990 — 1994	Карынтыянс
Клубная кар’ера*
1994 — 1999	Карынтыянс	136 (15)
1999 — 2001	Арсенал	55 (3)
2001 — 2004	Сельта	84 (2)
2004 — 2009	Барселона	89 (2)
2009 — 2010	Манчэстэр Сіці	10 (0)
Нацыянальная зборная**
2000 — 2001	Бразілія	6 (0)
Трэнерская кар’ера
2011 — 2012	Крузейру	трэнер
2012	Спорт (Рэсіфі)	трэнер
2013	Наўтыку (Рэсіфі)	трэнер
2013 — 2014	Карынтыянс	трэнер
2014 — 2016	Інтэрнацыянале	трэнер
2016 — 2019	Бразілія	трэнер
2019	Ліён
Міжнародныя медалі
Залатыя кубкі КАНКАКАФ
Бронза	ЗША 1998
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў ** Колькасць гульняў і галоў за нацыянальную зборную ў афіцыйных матчах

Сі́лвіу Ме́ндыс Ка́мпус Жу́ніяр (парт.: Sylvio Mendes Campos Júnior; нар. 12 красавіка 1974 года, Сан-Паўлу), больш вядомы як Сілві́нью (Sylvinho) — бразільскі прафесійны футбаліст, левы абаронца, пазней — трэнер.

Гульнявая кар’ера

Пачаў сваю прафесійную кар’еру ў 1994 годзе ў бразільскім клубе «Карынтыянс», у складзе якога стаў двойчы чэмпіёнам краіны. У 1999 годзе ён перайшоў у англійскі «Арсенал», за які выступаў 2 гады; першы сезон адыграў у асноўным складзе, у другім жа саступіў месца ў асноўным складзе Эшлі Коўлу, пасля чаго ў 2001 годзе перайшоў у «Сельту» з Віга. Адыграўшы ў «Сельце» 3 гады, у 2004 годзе ён перайшоў у «Барселону». Выступаючы за «Барсу», ён выйграў два чэмпіянаты Іспаніі, Суперкубак Іспаніі і дзве Лігі чэмпіёнаў. 24 жніўня 2009 года на правах свабоднага агента перайшоў у «Манчэстэр Сіці», падпісаўшы з «гараджанамі» аднагадовы кантракт.

У зборнай Бразіліі Сілвінью дэбютаваў у 1997 годзе ў гульні з расійскай зборнай. За нацыянальную каманду Сілвінью правёў 6 матчаў.

Сілвінью мае іспанскі пашпарт, атрыманы ў 2004 годзе пасля трох гадоў пражывання ў гэтай краіне.

9 ліпеня 2011 года Сілвінью завяршыў футбольную кар’еру. За ўсю кар’еру правёў 380 матчаў, забіў 25 мячоў.

Трэнерская кар’ера

З 2011 года працаваў асістэнтам галоўнага трэнера ў бразільскіх клубах, італьянскім «Інтэрнацыянале», нацыянальнай зборнай Бразіліі. У маі 2019 года быў прызначаны галоўным трэнерам французскага «Ліёна», быў звольнены з каманды ў кастрычніку таго ж года з-за незадавальняючых вынікаў.

Дасягненні

«Карынтыянс»

• Чэмпіён Бразіліі: 1998, 1999
• 2-е месца ў чэмпіянаце Бразіліі: 1994
• Чэмпіён штата Сан-Паўлу: 1995, 1997, 1999
• Уладальнік Кубка Бразіліі: 1995

«Арсенал»

• 2-е месца ў чэмпіянаце Англіі: 1999/2000, 2000/01

«Барселона»

• Чэмпіён Іспаніі: 2004/05, 2005/06, 2008/09
• 2-е месца ў чэмпіянаце Іспаніі: 2003/04, 2006/07
• 3-е месца ў чэмпіянаце Іспаніі: 2007/08
• Уладальнік Кубка Іспаніі: 2008/09
• Уладальнік Суперкубка Іспаніі: 2005, 2006
• Пераможца Лігі чэмпіёнаў: 2005/06, 2008/09

Спасылкі

• На Вікісховішчы ёсць медыяфайлы па тэме Сілвінью
• Профіль на сайце transfermarkt.com (англ.) 
• Статыстыка на сайце National Football Teams (англ.) 
• Профіль на сайце soccerway.com (руск.) 
• Профіль на сайце BDFutbol.com (англ.) 
• Статыстыка на сайце UEFA.com (руск.) 
• Статыстыка на сайце FIFA (англ.) 
• Статыстыка на сайце soccerbase.com (англ.)