Трагедыя на хаджы 2024 года

У чэрвені 2024 года ў святы для мусульман горад Мека (Саудаўская Аравія) накіравалася прыкладна 1,8 млн пілігрымаў, у тым ліку 1,6 млн замежнікаў, якія прымалі ўдзел у хаджы — штогадовым паломніцтве да Каабы^[1].

У момант паломніцтва тэмепатура ў горадзе перавышала 50 °C (122 °F). Пачынаючы з 16 чэрвеня фіксаваліся шматлікія смерці з-за моцнай спякоты і спадарожных фактараў^[2]. На 20 чэрвеня колькасць загінулых — 1082 чалавекі^[3].

У МЗС Егіпта заявілі, што вялікая колькасць паломнікаў прыбылі ў Саудаўскую Аравію без рэгістрацыі, бо не маглі дазволіць сабе аплаціць афіцыйныя працэдуры. Гэта магло стаць прычынай вялікай колькасці загінулых, бо нелегальныя пілігрымы не мелі доступу да памяшканняў з кандыцыянерам або афіцыйных харчовых або водных станцый. Тым самым яны пакутавалі ад абязводжвання і ўздзеяння моцнай спякоты. Акрамя таго, паводле егіпецкіх дыпламатаў, масавы наплыў незарэгістраваных паломнікаў, верагодна, перапоўніў існуючыя аб’екты на пілігрымскіх маршрутах, што прывяло да праблем у размеркаванні ежы, вады і медыцынскіх паслуг^[4].

Загінулыя па краінах
Краіна	Загінулых	Спасылка
Егіпет	600	^[3]
Інданезія	144	^[5]
Індыя	68	^[6]
Іарданія	60	^[7]
Туніс	35	^[8]
Іран	11	^[9]
Ірак	11	^[10]
Расія	4	^[11]
Сенегал	3	^[12]