Тракт
Тракт (польск.: trakt, лац.: traktus, літаральна — валачэнне) — гістарычная назва транспартнай дарогі, якая злучала буйныя гарады або рэгіёны, а таксама сучасная назва аб'ектаў вулічнай сеткі.
Гісторыя[правіць | правіць зыходнік]
Па трактах ішлі рэгулярныя перавозкі пасажыраў, грузаў і пошты паміж буйнымі гарадамі.
Гасцінец часоў Кіеўскай Русі, які злучаў Кіеў з Малдавіяй, называўся Княжым трактам.
Старадаўні гасцінец у Вялікім Княстве Літоўскім і Польскім каралеўстве, што злучаў абедзве сталіцы — Вільню і Кракаў, называўся Каралеўскім трактам.
У Сібіры і на Урале працягваюць называць дарогі трактамі: галоўным чынам гэта звязана з памяццю аб гістарычным маршруце Сібірскі тракт, які праходзіў праз усю Расію і злучаў яе з Кітаем. Напрыклад, аўтамабільная дарога федэральнага значэння ў Расіі ад Новасібірска да дзяржаўнай мяжы з Манголіяй называецца Чуйскім трактам.
Адрасныя аб’екты[правіць | правіць зыходнік]
Назву «тракт» маюць некаторыя вуліцы (адрасныя аб’екты). Трактамі названы шэраг магістральных выездаў з Мінска: Даўгінаўскі тракт, Ігуменскі тракт, Лагойскі тракт, Смілавіцкі тракт, а таксама менш значныя мінскія вуліцы: Азярцоўскі тракт, Менкаўскі тракт, Сморгаўскі тракт, Старавіленскі тракт.