Т-72БМ2

Т-72БМ2
Т-72БМ2 на Мінскай абароннай выставе MILEX-2023
Класіфікацыя	асноўны баявы танк
Кампанавальная схема	класічная савецкая
Экіпаж, чал.	3
Гісторыя
Распрацоўнік	140-ы рамонтны завод
Асноўныя аператары
Габарыты
Даўжыня, мм	6 860
Даўжыня з гарматай наперад, мм	9 530
Шырыня, мм	3 460
Вышыня, мм	2 226
Дарожны прасвет, мм	490
Браніраванне
Тып брані	камбінаваная
Дынамічная абарона	тыпу Кантакт-5 з модульным мацаваннем
Узбраенне
Калібр і марка гарматы	125-мм 2А46М
Тып гарматы	гладкаствольная
Даўжыня ствала, калібраў	48
Вуглы ВН, град.	-5...+13
Прыцэлы	прыцэл наводчыка дублюючы 1А40-1, цеплавізійная прыцэльная прылада наводчыка «Сасна-У» з лазерным каналам кіравання і лазерным далямерам, цеплавізійны індыкатар ІТВ-45 (2 шт.), дзённыя прыборы назірання ТНПО-166, ТПНО ТНП-165А, начныя прыборы назірання ТКН-Н, Puma DRIVER-4B
Кулямёты	7,62x54 ПКТ, 12,7x108 НСВ-12,7
Рухомасць
Тып рухавіка	дызельны
Магутнасць рухавіка, к. с.	840 / кВт, 618
Тып падвескі	тарсіённая індывідуальная

Т-72БМ2 — беларуская мадыфікацыя танка Т-72Б. Мае на ўвазе пад сабой устаноўку шматканальнага цеплавізійнага прыцэльнага прыстасавання наводчыка «Сасна-У», распрацаванага беларускай кампаніяй «Пеленг», мадэрнізаванай гладкаствольнай 125-мм гарматы 2А46М, рухавіка В-84МС, сучасных прыбораў назірання, а таксама камплекта дынамічнай абароны тыпу «Кантакт-5» уласнай вытворчасці. Ад арыгінальнага «Кантакт-5» беларускі варыянт адрозніваецца модульным мацаваннем для павышэння рамонтапрыдатнасці ў палявых умовах. Па бартах і ў кармавой частцы машыны былі ўсталяваны экраны для абароны маторнага аддзялення ад кумулятыўных боепрыпасаў. Танк абсталяваны наборам метэаралагічных датчыкаў, датчыкаў нахілу, тангажу, вятры і тэмпературы паветра. Сілавое аддзяленне абсталявана аўтаномным дызельным энергаагрэгатам з паветраным астуджэннем магутнасцю 7 кВт. Экіпаж танка аснасцілі камплектам радыёсувязі Р-181-50ТУ. Былі палепшаны ўмовы стральбы за кошт увядзення рэжыму «Дубль», які дазваляе камандзіру танка кіраваць узбраеннем танка незалежна ад наводчыка. Танк быў прадстаўлены міністру абароны Беларусі 27 ліпеня 2022 года і на працягу года мадыфікаваўся з улікам досведу выкарыстання бранятанкавай тэхнікі расійскімі войскамі падчас уварвання Расіі ва Украіну. Публічны паказ танка адбыўся 17 траўня на Мінскай абароннай выставе MILEX-2023.

Параўнанне з аналагамі

• Т-72БМ2 адрозніваецца ад расійскага Т-72Б3 вялікім пляцам пакрыцця брані корпуса і вежы блокамі дынамічнай абароны і супрацькумулятыўнымі гуматканкавымі і рашэцістымі экранамі па бартах і ў кармавой частцы адпаведна.
• Маторнае аддзяленне Т-72БМ2 абсталявана аўтаномным агрэгатам электрасілкавання, які адсутнічае на расiйскiм Т-72Б3.