Узногі

Вёска Узногі Краіна Беларусь Вобласць Брэсцкая Раён Баранавіцкі Сельсавет Малахавецкі Каардынаты 53°06′25″ пн. ш. 26°01′07″ у. д. Насельніцтва ▲1 569 чал. (2009) СААТА 1204839061 Узногі на карце Беларусі ±

Узно́гі (трансліт.: Uznohi, руск.: Узноги) — былая вёска ў Баранавіцкім раёне Брэсцкай вобласці. Уваходзіла ў склад Малахавецкага сельсавета. Размешчана за 4 км на поўдзень ад Баранавіч. Насельніцтва 1938 жыхароў, 788 гаспадарак (2005).

Гісторыя

Паводле перапісу 1897 года ў Ястрамбельскай воласці Навагрудскага павета Мінскай губерні, дзейнічалі народнае вучылішча (адкрыта ў 1888). Побач з вёскай размяшчаўся фальварак.

З 1921 года ў складзе Польшчы, вёска Ястрамбельскай гміны Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да 8 ліпеня 1944 года акупіраваны нямецка-фашысцкімі захопнікамі. На франтах вайны загінуў адзін вясковец.

Скасавана ў 2012 годзе, увайшла ў склад горада Баранавічы.

Інфраструктура

Працуе магазін.

Насельніцтва

• XIX стагоддзе:
  • 1897 — 18 двароў, 145 жыхароў.
• XX стагоддзе:
  • 1909 — 30 двароў, 201 жыхар, у фальварку — 1 двор, З жыхары.
  • 1921 — 8 дамоў, 66 жыхароў.
  • 1959 — 365 жыхароў.
  • 1970 — 481 жыхар.
  • 1998 — 192 двары, 1427 жыхароў.
• XXI стагоддзе:
  • 2005 — 1938 жыхароў, 788 гаспадарак.

Вядомыя асобы

• Аляксей Іванавіч Райко (нар. 1987) — беларускі чыгуначнік, дэпутат.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх