Уладзімір Іванавіч Сытчанка

Уладзімір Іванавіч Сытчанка
Дата нараджэння	5 жніўня 1951(1951-08-05)
Месца нараджэння	Маладзечна, Маладзечанскі раён, Маладзечанская вобласць, БССР, СССР
Дата смерці	27 кастрычніка 2021(2021-10-27) (70 гадоў)
Грамадзянства	СССР  Беларусь
Род дзейнасці	мастак
Месца працы	Беларуская дзяржаўная акадэмія мастацтваў Мінскі мастацкі камбінат[d]
Жанр	кніжная графіка, жывапіс і плакат
Вучоба	Беларускі дзяржаўны тэатральна-мастацкі інстытут (1975)
Уплыў	Васіль Пятровіч Шаранговіч і Павел Канстанцінавіч Любамудраў
Член у	Беларускі саюз мастакоў

Уладзімір Іванавіч Сытчанка (5 жніўня 1951, Маладзечна — 27 кастрычніка 2021) — беларускі мастак, Дацэнт Беларускай дзяржаўнай акадэміі мастацтваў.

Біяграфія

Скончыў Беларускі тэатральна-мастацкі інстытут (1975). Вучыўся ў В. Шаранговіча, П. Любамудрава. Удзельнік мастацкіх выставак з 1975 года. Працаваў у розных жанрах станковай і кніжнай графікі, а таксама ў жывапісе і плакаце. Палотны знаходзяцца ў Нацыянальным мастацкім музеі Беларусі, фондах грамадскага аб’яднання «Беларускі саюз мастакоў».

Быў кніжным ілюстратарам, аздабляў такія кнігі, як «Прыгоды Электроніка і яго сяброў», «Кар’ер» Васіля Быкава, кнігі Анатоля Вярцінскага. У яго афармленні выдадзена больш за 400 кніг розных жанраў.

У 1979—1983 гадах працаваў на Мінскім мастацкім камбінаце. Выкладаў у Беларускай дзяржаўнай акадэміі мастацтваў (з 2000). Аўтар вучэбна-метадычнага дапаможніка «Роля сістэмнасці ў арганізацыі працоўнага месца ў навучальным працэсе на ФД і ДПМ». Удзельнік шматлікіх міжнародных і рэспубліканскіх выставак. Член грамадскага аб’яднання «Беларускі саюз мастакоў» з 1988 года. Выкладаў малюнак на факультэце дызайну і дэкаратыўна-ўжытковага мастацтва БДАМ.

Памёр ад Covid-19 27 кастрычніка 2021 года.

Асноўныя творы

• Афармленне кнігі: Паэзія заходніх беларускіх паэтаў «Ростані волі» 1990, В. Быкаў «У тумане» 1990, В. Адамчык «Голас крыві брата твайго» 1991, А. Вярцінскі «Хлопчык глядзіць» 1992, Г. Ферры «Лясны бадзяга» 1993, А. Аўруцін «Па другую старану дыхання» 1997, К. Камейша «Крыгагром» 2001, Беларускія народныя казкі «Ванячка і ведзьма» 2002, Т. Мушынская «Свята печанай бульбы» 2004, П. Прыходзька «Бярозавы Лісток» 2004.
• Станкавая графіка. Лінарыты: «Нядзелька» 1981, «Натурморт з люстэркам» 1981, «Джогер» 1984, «Вуліца Камсамольская» 1984. «Партрэт Ул. Дубавецкага» 1991, «Стары» 1993, «Надзея» 1994, «Князь Вячка» 1995,
• Гравюры на аргаліце: «Ростані волі», «Паўстанцы», «Пагоня», «Ф. Скарына», «Цяжкая доля» 1990.
• Акварэлі. «Нацюрморт з лялькай» 1978, «Аўтапартрэт» 1979, «Нацюрморт з макамі» 1986, «Партрэт Т. Мурзіной» 2002.
• Малюнкі: «Акраіна Мінска» 1999, «Тацьцяна» 1999, «Маці» 1987, «Натурморт з нажніцамі» 2002, «Усе сабраліся» 2006, «Цішыня» 2007,
• Серыя агітплакатаў: «Усе на ўдарную вахту», «Новых перамог у новым годзе»…… 1978—1986.

Узнагароды

• Дыпломы за ўдзел у беларускіх рэспубліканскіх конкурсах
• Лаўрэат прэміі часопіса «Вяселка» 1994 года
• Грамата за добрасумленную працу ў Беларускай дзяржаўнай акадэміі мастацтваў 2009 г.

Літаратура

• Чэбан І. Л. Сы́тчанка Уладзімір Іванавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 324. — 10 000 экз. — ISBN 985-11-0035-8. — ISBN 985-11-0251-2 (т. 15).
• Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998. — С. 520.

Спасылкі

• Сытчанка У. І. на сайце Беларускі плакат Архівавана 27 кастрычніка 2021.
• Лидия Пересыпкина Сотри случайные черты… (руск.) // Газета «Звязда», 19.03.2018.