Уладзімір Ільіч Чараднічэнка

Уладзімір Ільіч Чараднічэнка
Дата нараджэння	3 кастрычніка 1930(1930-10-03)
Месца нараджэння	Архангельскае[d], горад Слаўгарад, Алтайскі край, РСФСР, СССР
Дата смерці	12 сакавіка 1994(1994-03-12) (63 гады)
Альма-матар	Беларуская дзяржаўная акадэмія музыкі
Музычная дзейнасць
Прафесіі	кампазітар

Уладзімір Ільіч Чараднічэ́нка (3 кастрычніка 1930, с. Архангельскае, Слаўгарадскі раён, Алтайскі край, РСФСР, СССР — 12 сакавіка 1994) — беларускі кампазітар.

Біяграфія

Скончыў у 1958 годзе Беларускую кансерваторыю, клас А. Багатырова. З 1959 года выкладчык Мінскага музычнага вучылішча імя М. Глінкі. У 1964—1966 гадах дырыжор-кансультант эстрадных калектываў Беларускай філармоніі.

Творчасць

Творам Чараднічэнка ўласцівы меладызм, эмацыянальная выразнасць і пранікнёнасць, дасканалая форма. Аўтар 2 сімфоній (1959, 1985); уверцюр «Веснавая» (1964) і «Святочная» (1968) для сімфанічнага аркестра; сюіты (1964) і канцэрта для баяна (1967) з аркестрам народных інструментаў; камерна-інструментальнай музыкі, раманса для валторны і фартэпіяна (1964), хароў, музыкі да кінафільмаў і інш.

Літаратура

• Чараднічэнка Уладзімір Ільіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).