Уладзімір Аляксеевіч Кісялёў

Уладзімір Аляксеевіч Кісялёў
Нараджэнне	2 красавіка 1958(1958-04-02) (66 гадоў) Харкаўка, Чавускі раён, Магілёўская вобласць, БССР, СССР
Адукацыя	Беларуска-Расійскі ўніверсітэт Беларускі дзяржаўны эканамічны ўніверсітэт Акадэмія кіравання пры Прэзідэнце Рэспублікі Беларусь
Месца працы	Магілёўскі аўтамабільны завод Беларускі цэментны завод
Узнагароды	ганаровая грамата Нацыянальнага сходу Рэспублікі Беларусь

Уладзімір Аляксеевіч Кісялёў (нар. 2 красавіка 1958, Харкаўка Чавускага раёна Магілёўскай вобласці) — беларускі дзяржаўны дзеяч.

Біяграфія

Скончыў Магілёўскі машынабудаўнічы інстытут (інжынер-механік), Беларускі дзяржаўны эканамічны ўніверсітэт (эканаміст-менеджар), Акадэмію кіравання пры Прэзідэнце Рэспублікі Беларусь (спецыяліст у галіне дзяржаўнага кіравання).

Працоўную дзейнасць пачаў аўтаслесарам Багушэўскай міжкалгаснай будаўнічай арганізацыі. Служыў у радах Узброеных Сіл. Працаваў майстрам участка зборкі і зваркі кабін і апярэнняў Магілёўскага аўтамабільнага завода імя С. М. Кірава, механікам, майстрам дарогі дарожнабудаўнічага ўпраўлення № 37 у горадзе Касцюковічы, галоўным інжынерам — намеснікам начальніка аддзела па механізацыі, электрыфікацыі і матэрыяльна-тэхнічнаму забеспячэнню Касцюковіцкага раённага аграпрамысловага аб’яднання, інжынерам аддзела эксплуатацыі грузавой службы аўтамабільнага транспарту «Магілёўаблаўтатранс», намеснікам дырэктара па капітальнаму будаўніцтву — дырэктарам аўтапарка, які будаваўся, дырэктарам аўтапарка № 8 у горадзе Касцюковічы, дырэктарам Беларускага цэментнага завода. Генеральны дырэктар вытворчага рэспубліканскага ўнітарнага прадпрыемства «Беларускі цэментны завод».

Выбіраўся членам Савета Рэспублікі Нацыянальнага сходу Рэспублікі Беларусь 4-га склікання.

Узнагароды

Узнагароджаны медалём «За працоўныя заслугі», юбілейнымі медалямі «65 гадоў Перамогі ў Вялікай Айчыннай вайне 1941—1945 гг.», «65 год вызвалення Рэспублікі Беларусь ад нямецка-фашысцкіх захопнікаў», Ганаровай граматай Нацыянальнага сходу Рэспублікі Беларусь.