Уладзімір Мацвеевіч Марчанка

Уладзімір Мацвеевіч Марчанка
Дата нараджэння	27 красавіка 1949(1949-04-27) (74 гады)
Месца нараджэння	Хадунь, Дамамерыцкі сельсавет, Клімавіцкі раён, Магілёўская вобласць, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	матэматыка
Месца працы	БДУ Гомельскі дзяржаўны ўніверсітэт Беларускі тэхналагічны інстытут імя С. М. Кірава
Навуковая ступень	доктар фізіка-матэматычных навук
Альма-матар	БДУ

Уладзімір Мацвеевіч Марчанка (нар. 27 красавіка 1949 года, в. Хадунь, Клімавіцкі раён) — беларускі матэматык. Доктар фізіка-матэматычных навук, прафесар.

Біяграфія

З сям'і настаўнікаў. На працягу 1956—1964 гг. вучыўся ў Хадуньскай васьмігадовай школе, у 1965—1966 гг. — у Клімавіцкай школе № 1, якую скончыў з залатым медалём. У 1966—1971 гг. — студэнт механіка-матэматычнага, а потым факультэта прыкладной матэматыкі Белдзяржуніверсітэта (дыплом з адзнакай), у 1971—1974 гг. — аспірант кафедры метадаў аптымальнага кіравання (скончыў датэрміновай абаронай кандыдацкай дысертацыі на тэму: «Мінімальная колькасць уваходаў адносна кіруемых сістэм з паслядзеяннем»). Затым працаваў асістэнтам кафедры метадаў аптымальнага кіравання БДУ, старшым выкладчыкам і дацэнтам кафедры матэматычных праблем кіравання Гомельскага Дзяржуніверсітэта, дацэнтам, старшым навуковым супрацоўнікам, прафесарам і загадчыкам кафедры вышэйшай матэматыкі Беларускага тэхналагічнага інстытута.

У студзені 1986 года абараніў дысертацыю на атрыманне вучонай ступені доктара фізіка-матэматычных навук на тэму: «Матэматычныя задачы кіравання і назірання для лінейных сістэм з паслядзеяннем»" у інстытуце матэматыкі і механікі УНЦ АН СССР (г. Свярдлоўск).

У 1988 годзе (люты) прысвоена званне прафесара па кафедры вышэйшай матэматыкі. Удзельнік міжнародных канферэнцый і сімпозіумаў. У 1978 годзе прайшоў павышэнне кваліфікацыі ў МДУ імя М. В. Ламаносава. У 1980—1981 гг. — дзесяцімесячную навуковую стажыроўку ў Міжнародным матэматычным цэнтры імя С. Бонаха (г. Варшава), у 1987 г. запрашаўся для чытання лекцый у Польскую Акадэмію навук (ПАН).

Навуковыя працы

• К управляемости линейных систем с последствием // Док. Ан СССР. — 1977. — Т. 236, № 5.
• Об алгебраическом обосновании одного критерия управляемости // Дифференцированные уравнения. 1973. Т. 9, № 11

Літаратура

• Марчанка Уладзiмiр Мацвеевiч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 150. — 10 000 экз. — ISBN 985-11-0035-8. — ISBN 985-11-0169-9 (т. 10).