Уладзімір Пятровіч Тарасік (механік)

Уладзімір Пятровіч Тарасік
Уладзімір Пятровіч Тарасік
Дата нараджэння	1 верасня 1936 (88 гадоў)
Месца нараджэння	Дзешчанка, Азерскі сельсавет, Дзяржынскі раён, БССР, СССР;
Грамадзянства	СССР; Беларусь;
Род дзейнасці	навуковец, выкладчык універсітэта
Навуковая сфера	аўтамабільная прамысловасць і машынабудаванне
Месца працы	Беларуска-Расійскі ўніверсітэт;
Навуковая ступень	доктар тэхнічных навук (1984)
Навуковае званне	прафесар;
Альма-матар	БДАТУ (1960);
Узнагароды	; Ганаровая грамата Савета Міністраў Рэспублікі Беларусь (1992)

Уладзімір Пятровіч Тара́сік (нар. 1 верасня 1936, в. Дзешчанка, Уздзенскі раён, Мінская вобласць) — беларускі вучоны ў галіне праектавання аўтамабільнага транспарту. Доктар тэхнічных навук (1984), прафесар (1986). Заслужаны вынаходнік Беларусі (1998).

Біяграфія

Скончыў у 1960 годзе Беларускі інстытут механізацыі сельскай гаспадаркі. З 1971 года ў Магілёўскім тэхнічным універсітэце (з 1984 загадчык кафедры).

Навуковая дзейнасць

Навуковыя працы па тэорыі руху аўтамабіля, праектаванні гідрамеханічных перадач. Распрацаваў матэматычныя мадэлі колавых і гусенічных самаходных машын; метадалогію сінтэзу алгарытмаў адаптыўных інтэлектуальных сістэм кіравання энергетычнымі рэжымамі аўтатранспартных сродкаў. Адзін з распрацоўшчыкаў велікагрузнага аўтасамазвала БелАЗ-540.

Апублікаваў больш 250 навуковых прац, у тым ліку 3 падручнікі, 2 навучальных дапаможнікі, 4 манаграфіі, сааўтар Энцыклапедыі «Машынабудаванне» (том IV-15. Колавыя і гусенічныя машыны). Атрымаў больш за 120 аўтарскіх пасведчанняў і патэнтаў на вынаходствы, многія з якіх укаранёныя ў вытворчасць.

Падрыхтаваў 16 кандыдатаў тэхнічных навук і аднаго доктара тэхнічных навук.

Узнагароды

Узнагароджаны медалямі «За асваенне цалінных зямель» (1958), «За доблесную працу» (1970), Граматай Вярхоўнага Савета Рэспублікі Беларусь (1992).

Творы

Проектирование колесных тягово-транспортных машин. Мн., 1984;
Математическое моделирование технических систем. Мн., 1997.

Зноскі

Літаратура

Тара́сік Уладзімір Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 438. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

Біяграфія на сайце БРУ
Тарасік Уладзімір Пятровіч на сайце анлайн-энцыклапедыі «Беларусь у асобах і падзеях»
Тарасик Владимир Петрович // База патентов Беларуси (руск.)
Тарасик Владимир Петрович // Банк патентов РФ на изобретения и промышленные образцы ФИПС Роспатента (руск.)