ФК Спадарожнік Рэчыца

Спадарожнік Рэчыца
Заснаваны	2017
Горад	Рэчыца, Беларусь
Стадыён	«Цэнтральны» Умяшчальнасць: 3000
Галоўны трэнер	Вячаслаў Ляўчук
Чэмпіянат	Першая ліга
2020	▲ 1 месца
Асноўная форма Гасцявая форма

«Спадарожнік» — беларускі футбольны клуб з горада Рэчыца, заснаваны ў 2017 годзе. Зараз выступае ў Першай лізе чэмпіянату Беларусі.

Гісторыя

Да 2016 года горад на рэспубліканскай арэне быў прадстаўлены клубам «Рэчыца-2014», які ў 1980—1991 гадах меў назву «Спадарожнік». Па выніках сезона 2015 «Рэчыца-2014» страціла месца ў Першай лізе і спыніла існаванне. У другой палове 2016 года каманда Рэчыцкага раёна (фактычна пераемнік «Рэчыцы-2014») прымала ўдзел у чэмпіянаце Гомельскай вобласці.

2017

У красавіку 2017 года ў Рэчыцы была заснаваная новая каманда — «Спадарожнік» — якая заявілася ў Другую лігу чэмпіянату Беларусі. Аснову каманды склалі ігракі гомельскага клуба ДЮСШ-ДБК, які ў 2016 годзе выступаў у Другой лізе, а галоўным трэнерам «Спадарожніка» стаў настаўнік ДЮСШ-ДБК Канстанцін Чахаў. Пачтак сезону для клуба атрымаўся няўдалым, але пазней каманду папоўнілі больш вопытныя ігракі, і вынікі «Спадарожніка» сталі паляпшацца. Сезон 2017 каманда скончыла на 5 месцы ў Другой лізе.

2018

У сезоне 2018 «Спадарожнік» з пачатку разглядаўся як адзін з фаварытаў лігі, аднак першую палову чэмпіянату правёў няўпэўнена і значна адстаў ад лідараў. У ліпені замест Канстанціна Чахава новым трэнерам быў прызначаны Вячаслаў Ляўчук. Значна змяніўся склад каманды, яе шарэгі папоўніла шмат ігракоў «Асіповічаў». Добра правёўшы другую палову сезону, «Спадарожнік» заняў выніковае тряцяе месца.

2019

У сезоне 2019 «Спадарожнік» павінен быў выступаць у Другой лізе, аднак у сувязі з аб’яднаннем магілёўскага «Дняпра» і мінскага «Промня» з’явілася вакантнае месца ў Першай лізе, якое і заняў рэчыцкі клуб. Добра ўзмацніўшыся для Першай лігі, каманда трапіла ў шэраг фаварытаў лігі, пазней доўгі час знаходзілася ў верхняй палове табліцы і прэтэндавала на высокія месцы, аднак скончыла сезон на шостым месцы.

2020

У сезоне 2020 у каманду былі запрошаны ігракі з вопытам гульні ў Вышэйшай лізе. «Спадарожнік» хутка апынуўся ўверсе табліцы, надзейна ўтрымліваў першы радок і за некалькі тураў да фінішу забяспечыў выхад у Вышэйшую лігу.

Эмблемы

• Гісторыя эмблем «Спадарожніка»
• 

  У 2017—2018 гадах

• 

  З 2019 года

Цяперашні склад

Станам на кастрычнік 2020 года.

№ Пазіцыя Імя Год нараджэння 25 Бр Аляксандр Свірскі 1999 55 Бр Аляксей Калтыгін 2000 99 Бр Уладзімір Пяцігорац 1990 12 Аб Дзяніс Гружэўскі 2000 15 Аб Віктар Уцюжнікаў 1995 18 Аб Ілья Руцкі 1999 19 Аб Аляксей Краўчанка 1985 21 Аб Георгій Манастырскі 1997 24 Аб Арцём Конюхаў 2000 44 Аб Станіслаў Іжакоўскі 1994 97 Аб Аляксей Цімашэнка 1986 3 ПА Вадзім Курловіч 1992

№ Пазіцыя Імя Год нараджэння 4 ПА Іван Кісель 1998 5 ПА Андрэй Бяжонаў 1993 8 ПА Арцём Фядзянін 1994 9 ПА Ігар Ясінскі 1990 10 ПА Валерый Патароча 1996 23 ПА Вадзім Дзярнейка 1999 52 ПА Мікалай Загвоздзін 1991 7 Нап Аляксандр Халадзінскі 1991 11 Нап Антон Лукашын 1995 13 Нап Віктар Лагуцін 1991 77 Нап Ілья Сень 1999 90 Нап Яўген Нікіцін 1993

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2017	Другая (Д3)	5	26	14	4	8	59–24	46	1/32 фіналу
2018	Другая (Д3)	3	28	18	4	6	79–21	58	1/32 фіналу	Атрыманне месца ў Першай лізе
2019	Першая (Д2)	6	28	13	6	9	46–36	45	1/16 фіналу
2020	Першая (Д2)	1					–		1/8 фіналу	Выхад у Вышэйшую лігу

Галоўныя трэнеры

Канстанцін Чахаў (красавік 2017 — ліпень 2018) Вячаслаў Ляўчук (з ліпеня 2018)

Спасылкі

• Профіль на сайце globalsportsarchive.com (англ.) 
• Профіль на сайце wildstat.ru(руск.) 
• Профіль на сайце teams.by (руск.)