Фёдар Іванавіч Леантовіч

Фёдар Іванавіч Леантовіч
Дата нараджэння	3 (15) студзеня 1833
Месца нараджэння	Папоўка, Канатопскі раён, Сумская вобласць
Дата смерці	21 снежня 1910 (3 студзеня 1911) (77 гадоў)
Месца смерці	Кіславодск, Пяцігорскі павет[d], Церская вобласць[d], Расійская імперыя
Месца пахавання	Старыя хрысціянскія могілкі[d]
Грамадзянства	Расійская імперыя
Род дзейнасці	гісторык
Навуковая сфера	гісторыя
Месца працы	Варшаўскі ўніверсітэт Імператарскі ўніверсітэт Святога Уладзіміра Адэскі нацыянальны ўніверсітэт імя І. І. Мечнікава
Навуковая ступень	доктар юрыдычных навук
Альма-матар	Імператарскі ўніверсітэт Святога Уладзіміра
Член у	Сербскае навуковае таварыства[d] Сербская акадэмія навук і мастацтваў
Узнагароды

Фёдар Іванавіч Леанто́віч (3 студзеня 1833 — 21 снежня 1911) — расійскі юрыст і гісторык права, доктар права (1868), ардынарны прафесар, правадзейны стацкі саветнік.

Біяграфія

Нарадзіўся ў сяле Папіўка Канатопскага павета Чарнігаўскай губерні. У 1852 годзе скончыў гімназію, у 1855 годзе юрыдычны ліцэй князя Безбародзька ў горадзе Нежын, у 1860 годзе — юрыдычны факультэт Імператарскага ўніверсітэта Святога Уладзіміра ў Кіеве. У 1860—1861 гадах пазаштатны настаўнік у 1-й Кіеўскай гімназіі. У 1861—1863 гадах выконваючы пасаду ад’юнкта кафедры дзяржаўнага права і гісторыі рускага права Рышэльеўскага ліцэя ў Адэсе, магістр дзяржаўнага права (1863). З 1863 года — дацэнт па кафедры гісторыі рускага права Імператарскага універсітэта Святога Уладзіміра. З 1865 года Ф. І. Леантовіч у Імператарскім Наварасійскім універсітэце: у 1865—1868 гадах дацэнт, у сакавіку—кастрычніку 1868 года экстрардынарны прафесар, у 1868—1891 гадах ардынарны прафесар кафедры гісторыі рускага права. У 1878—1881 гадах займаў пасаду дэкана юрыдычнага факультэта, у 1881—1884 прарэктар, у 1869—1877 гадах рэктар Наварсійскага ўніверсітэта. У 1884—1891 гадах — дырэктар Адэскага камерцыйнага вучылішча. У 1891—1903 гадах ардынарны прафесар кафедры гісторыі рускага права Імператарскага Варшаўскага ўніверсітэта. З 1903 года Ф. І. Леантовіч у адстаўцы.

Памёр Ф. І. Леантовіч 21.12.1910 (3.1.1911) у Кіславодску.

Навуковая дзейнасць

Аўтар прац па гісторыі права народаў нацыянальных ускраін, спецыяліст па гісторыі дзяржаўных устаноў і права Вялікага Княства Літоўскага. Быў правадзейным членам Сербскага вучонага таварыства у Бялградзе і Таварыства гісторыі і старажытнасцей у Адэсе.

Сярод апублікаваных прац:

• Крестьяне юго-западной России по литовско-русскому праву XV—XVI вв. (Кіеў, 1863);
• Русская Правда и Литовский статут. (Кіеў, 1864);
• Источники по истории славянских законодательств (1866);
• Государственное устройство Дубровника (1867);
• История русского права: Литература истории русского права. Вып. 1. (Адэса, 1869);
• Калмыцкое право. (Одесса, 1880);
• Что нам делать с еврейским вопросом? (Санкт-Пецярбург, 1882);
• Очерки истории литовско-русского права. Образование территории Литовского государства (1884);
• Краткий очерк истории русского права (1889);
• Спорные вопросы по истории русско-литовского права (1893);
• Очерки истории литовско-русского права. Образование государственной территории (1894);
• Национальный вопрос в Древней Руси. (Варшава, 1895).

Узнагароды

• Ордэн Святой Ганны 2-й ступені з Імператарскай каронай
• Ордэн Святога Уладзіміра 3-й ступені
• Ордэн Святога Станіслава 1-й ступені (1885)

Літаратура

• Леанто́віч Фёдар Іванавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 171. — 10 000 экз. — ISBN 985-11-0035-8. — ISBN 985-11-0155-9 (т. 9).
• Леанто́віч Фёдар Іванавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 419. — 800 с. — 5 000 экз. — ISBN 985-11-0026-9.

Спасылкі

• Леонтович Фёдор Иванович // Научная юридическая электронная библиотека «Наука Права» (руск.)
• Профессора и преподаватели российских университетов (вторая половина XVIII — начало XX в.) // Томскі дзяржаўны ўніверсітэт (руск.)
• Леонтович Фёдор Иванович // Знаменитые люди Гомельщины (руск.)
• Леонтович Федір Іванович // Енциклопедія Сучасної України (укр.)