Царква Пакрова Прасвятой Багародзіцы (Краснае)

Царква Пакрова Прасвятой Багародзіцы
	Славутасць
Царква Пакрова Прасвятой Багародзіцы
	54°14′56″ пн. ш. 27°04′45″ у. д.HGЯO
Краіна	Беларусь
Месцазнаходжанне	Краснае;
Канфесія	БПЦ
Епархія	Маладзечанская епархія
	Медыяфайлы на Вікісховішчы

Свята-Пакроўская царква — праваслаўны храм у в. Краснае Маладзечанскага раёна Мінскай вобласці.

Гісторыя

Пабудавана ў 1889 г. з цэглы і бутавага каменю.

Помнік архітэктуры рэтраспектыўна-рускага стылю. Крыжова-купальны храм з паўкруглай апсідай, бакавымі прыдзеламі, кароткай трапезнай, да якой далучаецца трох'ярусная званіца (2 васьмярыкі на чацверыку) завершана купальным пакрыццём, сяродкрыжжа — васьмігранным светлавым купальным барабанам, грані якога прарэзаны арачнымі аконнымі праёмамі, дэкарыраваны нішамі, паўкалонкамі і прафіляванымі броўкамі. Падобнымі сродкамі вырашаны васьмярык званіцы. Арачны ўваходны праём аформлены кілепадобным парталам. Паліхромная бутавая муроўка спалучаецца з атынкаванымі і пабеленымі злементамі дэкору (вуглавыя лапаткі, ліштвы арачных аконных праёмаў, прафіляваныя карнізы і інш.).

У інтэр'еры пануе падкупальная прастора сяродкрыжжа, вылучаная з 4 бакоў арачнымі прасветамі. Апсіда вылучана драўляным іканастасам.

Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.