Чысць (пасёлак)

Пасёлак Чысць Краіна Беларусь Вобласць Мінская Раён Маладзечанскі Сельсавет Чысцінскі Каардынаты 54°16′06″ пн. ш. 27°06′32″ у. д. Заснаваны 1955 Вышыня цэнтра 187 м Насельніцтва 6 159 чал. (2015) Часавы пояс UTC+3 Тэлефонны код +375 176 Паштовыя індэксы 222321 Аўтамабільны код 5 СААТА 6238860076 Чысць на карце Беларусі ±

Чысць на Вікісховішчы

Чысць (трансліт.: Čysć, руск.: Чисть) — пасёлак у Маладзечанскім раёне Мінскай вобласці. З’яўляецца цэнтрам Чысцінскага сельсавета. Размешчаны за 19 км на паўднёвы ўсход ад Маладзечна, за 60 км ад Мінска, за 3 км ад чыгуначнай станцыі Уша.

Гісторыя

У 1955 годзе ў вёсцы пачалося будаўніцтва жылля для працаўнікоў торфапрадпрыемства "Краснае". З 1995 года—пасёлак.

Насельніцтва

• 2003 год — 5093 жыхароў, 1714 двароў
• 1.1.2015 года — 6159 жыхароў, у т.л. працаздольнага ўзросту 3895, маледзейшых за працаздольны ўзрост — 1384, старэйшых — 880.

Славутасці

• Свята-Мікалаеўская царква
• У 2020 годзе на сцяне адміністрацыйнага корпусу завода «Забудова» з’явіўся мурал мастака Аляксандра Благія. У аснове мурала выява дывана, зробленага ў тэхніцы падвойнага ткацтва. Чырвоны колер выбраны, бо ён фірмовы для завода.

Інфраструктура

Лагатып завода «Забудова» ў пасёлку Чысць. Беларусь

У пасёлку знаходзяцца заводы ААТ "Кіруючая кампанія холдынга «Забудова»", якія вырабляюць будаўнічыя матэрыялы. Таксама ў склад холдынга ўваходзяць будаўнічае і праектнае прадпрыемствы. У Чысці працуюць СП «Шклолюкс», зверагаспадарка «Чысць», ЖКГ, дом культуры, бібліятэка, сярэдняя і музычныя школы, бальніца, амбулаторыя і аптэка, 2 дзіцячых садкі, аддзяленні сувязі і банку.

Вядомыя ўраджэнцы

• Сяржук Вітушка (1965—2012) — беларускі грамадска-палітычны дзеяч.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• На Вікісховішчы ёсць медыяфайлы па тэме Чысць (пасёлак)