Цетава

Горад
Цетава
макед.: Тетово алб.: Tetova
Сцяг Герб
42°00′37″ пн. ш. 20°58′17″ у. д.
Краіна	Паўночная Македонія
Статыстычны рэгіён	Полажскі
Абшчына	Цетава
Граданачальнік	Садзі Беджэці (ДПА)
Гісторыя і геаграфія
Першая згадка	XIV стагоддзе
Ранейшыя назвы	Калкандэлен
Вышыня НУМ	300 м
Часавы пояс	UTC+1, летам UTC+2
Насельніцтва
Насельніцтва	52 915 чалавек (2002)
Лічбавыя ідэнтыфікатары
Тэлефонны код	+389 044
Паштовы індэкс	1200
Аўтамабільны код	TE
[tetova.gov.mk tetova.gov.mk] (алб.)
Паказаць/схаваць карты
Цетава
Медыяфайлы на Вікісховішчы

Це́тава (макед.: Тетово, алб.: Tetova) — горад на паўночным захадзе Паўночнай Македоніі, цэнтр абшчыны Цетава, пабудаваны ля падножжа горнага масіва Шар у гісторыка-геаграфічнай вобласці Полаг. Праз Цетава працякае рака Пена. Горад размешчаны на вышыні 300 м над узроўнем мора.

Насельніцтва Цетава — 52 915 чалавек (2002). У Цетава два ўніверсітэты: Дзяржаўны ўніверсітэт Цетава і міжнародны Паўднёва-ўсходне-еўрапейскі ўніверсітэт. Праз Цетава праходзіць шаша з Скоп’е на Госцівар.

Па легендзе, горад названы ў гонар героя Цета, які, нібы, ачысціў горад ад змей.

Рака Пена ў Цетава

Гісторыя

Цетава было заснавана ў XIII стагоддзі як невялікі праваслаўны пасёлак — Хцетава, вакол царквы Святой Багародзіцы. У канцы XIV стагоддзя Цетава разам з астатняй Македоніяй было заваявана Асманскай імперыяй. З ростам мусульманскага насельніцтва ў Македоніі ў XV стагоддзі сталі будавацца мячэці, лазні і рынкі. Цетава стала важным гандлёвым цэнтрам для мясцовых земляробаў і рамеснікаў, а таксама важным умацаваным пунктам. Пры турках Цетава звалася Калкандэленам. Да XIX стагоддзя, калі насельніцтва Цетава стала павялічвацца за кошт навакольных вёсак, колькасць жыхароў налічвала 4500. У 1912, у выніку Балканскіх войнаў, Цетава стала сербскім горадам. Падчас Другой сусветнай вайны Цетава кіравалася сумесна Італіяй і яе марыянетачным рэжымам у Албаніі. Камуністычная партыя Македоніі была ўтворана 19 сакавіка 1943 г. у Цетаве.

Насельніцтва

Год Колькасць 1948 17 132 1953 20 209 1961 25 357 Год Колькасць 1971 35 745 1981 46 523 1991 27 012 Год Колькасць 1994 50 344 2002 52 915 2021 63 176 Год Колькасць 2021 63 176

Насельніцтва Цетава мае змяшаны этнічны склад.

Нацыянальнасць	Усяго
Македонцы	18 555 (35,07 %)
Албанцы	28 897 (54,61 %)
Туркі	1 878 (3,55 %)
Цыгане	2 352 (4,44 %)
Влахі	13
Сербы	587
Башнякі	156
Астатнія	419 (1,17 %)

Гарады-пабрацімы

•  Конья, Турцыя

Гл. таксама

• Ляшоцкі манастыр

Спасылкі

• Сайт абшчыны Цетава (алб.) (макед.)