Куманава

Горад
Куманава
Куманово
Сцяг Герб
42°05′ пн. ш. 21°40′ у. д.
Краіна	Паўночная Македонія
Статыстычны рэгіён	Паўночна-Усходні
абшчына	Куманава
Гісторыя і геаграфія
Заснаваны	1094
Першая згадка	1519
Вышыня цэнтра	330 м
Часавы пояс	UTC+1, летам UTC+2
Насельніцтва
Насельніцтва	76 272 чалавек (2002)
Лічбавыя ідэнтыфікатары
Тэлефонны код	389 031
Паштовы індэкс	1300
kumanovo.gov.mk (макед.)
Паказаць/схаваць карты
Куманава
Медыяфайлы на Вікісховішчы

Кума́нава — трэці па колькасці насельніцтва горад у Паўночнай Македоніі, адміністрацыйны цэнтр абшчыны Куманава. Насельніцтва горада паводле перапісу 2002 года — 70 842 жыхара.

Горад Куманава размешчаны ў паўночна-ўсходняй частцы Рэспублікі Македоніі. Праз горад працякаюць дзве рэкі — Ліпаўка і Койнарка. Горад размешчаны на вышыні прыкладна 350 метраў над узроўнем мора.

Гісторыя

Меркавана назва горада ўзыходзіць да цюркскага племя куманаў, якое пасялілася там у XII—XIII стст. Горад упершыню згадваецца ў 1519 годзе ў адным з турэцкіх дакументаў. Куманава было цэнтрам паўстання Карпаша, і выконвала ролю яго «сталіцы».

Недалёка ад Куманава, 23 кастрычніка 1912, года адбылася Куманаўская бітва, падчас якой сербскія сілы атрымалі перамогу над турэцкімі войскамі і вымусілі іх бегчы. Гэта была адна з бітваў Першай Балканскай вайны.

Нацыянальны склад

Этнічная структура насельніцтва ў горадзе паводле перапісу 2002 года:

• македонцы — 47 744 чал.;
• албанцы — 18 278 чал.;
• сербы — 5230 чал.;
• цыгане — 4056 чал.;
• туркі — 256 чал.;
• влахі — 108 чал.;
• баснійцы — 14 чал.;
• астатнія — 586 чал.

Гарады-пабрацімы

•  Біеліна, БіГ (2006)
•  Вараждзін, Харватыя
•  Вране^[d], Сербія
•  Габрава, Балгарыя (27 лютага 2009)
•  Лескавац, Сербія
•  Марыбар, Славенія (2014)
•  Нікшыч, Чарнагорыя
•  Панчава, Сербія
•  Плоўдзіў, Балгарыя
•  Чорлу, Турцыя

Помнік Рэвалюцыі

Спасылкі

• На Вікісховішчы ёсць медыяфайлы па тэме Куманава
• Сайт абшчыны Куманава Архівавана 31 снежня 2007. (макед.)