Чарнобыль

Населены пункт
Чарнобыль
укр.: Чорно́биль
Герб
51°16′00″ пн. ш. 30°13′00″ у. д.
Краіна	Украіна
Вобласць	Кіеўская вобласць
Раён	Вышгарадскі раён
Гісторыя і геаграфія
Першая згадка	1193
Вышыня цэнтра	180 м
Часавы пояс	UTC+2, летам UTC+3
Насельніцтва
Насельніцтва	▲1 575 чал. (2022)
Лічбавыя ідэнтыфікатары
Паштовы індэкс	255614
Аўтамабільны код	AI і КI / 10
КААТУУ	3222010500
Паказаць/схаваць карты
Чарнобыль
Медыяфайлы на Вікісховішчы

Чарнобыль (укр.: Чорнобиль — быльнёг, палын) — горад у Кіеўскай вобласці Украіны.

Размешчаны на рацэ Прыпяць, недалёка ад яе ўпадзення ў Кіеўскае вадасховішча.

Да Чарнобыльскай катастрофы 1986 года ў горадзе пражывала 12 500 чалавек. У цяперашні час тут пражываюць толькі работнікі устаноў і прадпрыемстваў Зон адчужэння і безумоўнага гарантаванага адсялення Чарнобыльскай АЭС (працуюць на вахтавай аснове) і самасёлы.

Гісторыя

Першае згадванне Чарнобыля ставіцца да падзеяў 1193 года. Пасля Люблінскай уніі горад перайшоў пад кантроль Польшчы.

У сярэдзіне XV стагоддзя, калі гэтыя землі кантралявала Вялікае Княства Літоўскае, па суседстве з Чарнобылем быў пабудаваны замак, аддзелены ад селішча глыбокім ровам, які захаваўся да нашых дзён. У пачатку XVI стагоддзя замак быў рэканструяваны, пераўтвораны ў добра умацаваную і цяжкадаступную крэпасць, а горад Чарнобыль стаў павятовым цэнтрам.

У другой палове 18 стагоддзя горад становіцца адным з цэнтраў хасідызму. Падчас Грамадзянскай вайны быў месцам баёў. Польская абшчына выселеная ў Казахстан у 1936 годзе, яўрэйская — знішчана ў 1941-44 гг.

Свята-Ільінская царква ў Чарнобылі, 2007

У 1970-х у 10 км на поўнач ад горада збудаваная першая ва Украіне атамная электрастанцыя.

У 1985 была ўведзеная ў строй загарызонтная РЛС «Дуга» (аб’ект Чарнобыль-2).

26 красавіка 1986 на чацвёртым энергаблоку Чарнобыльскай АЭС адбылася аварыя, якая стала самай вялікай катастрофай у гісторыі атамнай энергетыкі.

У 2006 годзе Амерыканскай некамерцыйнай навукова-даследчай арганізацыяй Інстытут Блэксміта быў апублікаваны спіс самых забруджаных месцаў на планеце, у якім Чарнобыль апынуўся ў першай дзясятцы.

Гл. таксама

• Прып’яць

Спасылкі

• На Вікісховішчы ёсць медыяфайлы па тэме Чарнобыль