Юрый Рыгоравіч Осцік

Юрый Осцік
Герб «Трубы»
староста дарсунішскі[d]
Папярэднік	Міхаіл Асавіцкі[d]
маршалак гаспадарскі 1546 — 1547
староста анікштанскі[d]
Смерць	1546(1546)
Род	Осцікі
Бацька	Рыгор Станіслававіч Осцік
Маці	Аляксандра Свірская
Жонка	Ганна Храптовіч Марына Мсціслаўская
Дзеці	ад першага шлюбу: Мікалай, Ян, Ганна, Соф'я ад другога шлюбу: Юрый, Рыгор
Грамадзянства	Вялікае Княства Літоўскае

Юрый Осцік (? — 1546 ці 1547) — дзяржаўны дзеяч Вялікага Княства Літоўскага. Маршалак гаспадарскі (1546).

Біяграфія

Паходзіў з роду Осцікаў герба «Трубы», сын Рыгора і Аляксандры Свірскай. Меў братоў Станіслава і Рыгора.

Займаў пасады дзяржаўцы анікштанскага і дарсунішскага, маршалак гаспадарскі ў 1546.

Быў двойчы жанаты. Спачатку ажаніўся з Ганнай, дачкой Івана Літавора Храптовіча. З гэтым шлюбам быў звязаны скандал, бо маці Ганны, Ядвіга Гальшанская, адмовілася прызнаць Юрыя Осціка мужам сваёй дачкі і патрабавала скасавання шлюбу. Каралеўскі суд, аднак, стаў на бок Осціка, і шлюб быў захаваны. Ганна нарадзіла Юрыю сыноў Мікалая і Яна, а таксама дачок Ганну і Соф'ю. Пасля смерці сваёй першай жонкі Юрый паўторна ажаніўся з Марынай, дачкой князя Міхайлы Мсціслаўскага, з якой меў сыноў Юрыя і Рыгора.

Літаратура

• Пазднякоў В. Осцікі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 380. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія магнацкіх радоў Рэчы Паспалітай Архівавана 21 верасня 2013.