Янка Антонавіч Багдановіч

Янка Антонавіч Багдановіч
Янка Антонавіч Багдановіч
Асабістыя звесткі
Дата нараджэння	4 (17) лістапада 1906
Месца нараджэння	Гірбінята, Ашмянскі павет, Віленская губерня, Расійская імперыя;
Дата смерці	13 ліпеня 1990 (83 гады)
Месца смерці	Вільнюс, Вільнюскае гарадское самакіраванне, Літва;
Пахаванне	могілкі Саўлес[d];
Грамадзянства	Беларусь;
Альма-матар	Віленская беларуская гімназія; Віленская настаўніцкая семінарыя[d]; Акадэмія асветы ўніверсітэта Вітаўта Вялікага;
Прафесійная дзейнасць
Род дзейнасці	мемуарыст, публіцыст, пісьменнік, паэт
Мова твораў	беларуская

Янка Антонавіч Багдановіч (псеўданімы і крыптанім: Я. Ваўштолскі; Янка Ваўштолскі; Я. Б.; 4 (17) лістапада 1906, в. Гірбінята Ашмянскага павета, Віленскай губерні, цяпер Валожынскі раён, Мінская вобласць — 13 ліпеня 1990, Вільня) — беларускі празаік, паэт, публіцыст, мемуарыст.

Біяграфія[правіць | правіць зыходнік]

Пасля смерці бацькоў у 1918 жыў і выхоўваўся ў Барунскім і Віленскім дзіцячых прытулках, якія былі арганізаваны ў час Першай сусветнай вайны беларускай інтэлігенцыяй. У 1927 скончыў Віленскую беларускую гімназію. Да 1941 працаваў у друкарні імя Ф. Скарыны.

Публікаваўся з 1930. Адзін з выдаўцоў часопіса «Шлях моладзі» (1929-38). У гады 2-й сусветнай вайны вучыўся ў Віленскай настаўніцкай семінарыі; адначасова і пасля заканчэння яе настаўнічаў. У 1952 паступіў у Нова-Віленскі педагагічны інстытут, але ў жніўні таго ж года арыштаваны і сасланы ў Варкуту. Рэабілітаваны ў вер. 1956. Вярнуўся ў Вільню, дзе працягваў настаўнічаць. Скончыў педагагічны інстытут. Напісаў кніжку ўспамінаў, якая выйшла пасля яго смерці^[1]. Пахаваны на віленскіх могілках Саўлес.

Зноскі

↑ Янка Багдановіч. На жыццёвым шляху: успаміны. — Мн .: Мастацкая літаратура, 1992. — 142 с. — 1 800 экз. — ISBN 5-340-00716-2.

Літаратура[правіць | правіць зыходнік]

Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — С. 206. — 480 с. — 10 000 экз. — ISBN 985-11-0061-7 (т. 2).
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
БП, т. 6;
Янка Саламевіч. Слоўнiк беларускiх псеўданiмаў i крыптанiмаў (XVI―XX стст.)

[1] Янка Багдановіч. На жыццёвым шляху: успаміны. — Мн .: Мастацкая літаратура, 1992. — 142 с. — 1 800 экз. — ISBN 5-340-00716-2.

[1]