Яўген Занкавіч

З пляцоўкі Вікіпедыя
Jump to navigation Jump to search
Яўген Занкавіч
Аўген Занкавіч
Яўген Занкавіч.jpg
Род дзейнасці грамадскі дзеяч
Дата нараджэння 21 кастрычніка 1923(1923-10-21)
Месца нараджэння
Дата смерці 7 снежня 1997(1997-12-07) (74 гады)
Месца смерці
Месца пахавання
Бацька Міхаіл Занкавіч
Жонка Надзея Занкавіч
Партыя

Яўген Занкавіч (Аўген Занкавіч, Занковіч) (21 кастрычніка 19237 снежня 1997) — беларускі грамадскі і эміграцыйны дзеяч. Сябра Беларускай незалежніцкай партыі і кіраўнік Саюза беларускай моладзі у Паставах.[1] Другі віцэ-прэзідэнт Беларускай цэнтральнай рады.[2]

Біяграфія[правіць | правіць зыходнік]

Нарадзіўся ў 21 кастрычніка 1923 года ў Шаркаўшчыне ў Навагрудскім ваяводстве Польскай Рэспублікі. Быў малодшым сынам у сям’і праваслаўнага святара Міхаіла Занкавіча.

Падчас Другой сусветнай вайны, пасля прыходу немцаў вучыўся ў Пастаўскай настаўніцкай семінарыі. Далучыўся да Саюза беларускай моладзі, быў прызначаны кіраўніком СБМ у Паставах. Стаў сябрам нелегальнай Беларускай незалежнай партыі, а таксама сябрам Замежнага сектару БНП.

Летам 1944 года эвакуяваўся ў Германію. Пасля вайны жыў у беларускім лагеры ў Ватэнштэце, быў кіраўніком лагернай паліцыі, а таксама адным з арганізатараў валейбольнай каманды «Нёман». У канцы 1940-х пераехаў у ЗША ў Саўт-Рывер. Удзельнічаў у грамадскім жыцці беларусаў у Нью-Джэрсі, спяваў у беларускім царкоўным і свецкім хорах. У верасні 1954 года пасля 14-га Пленума БЦР быў прызначаны намеснікам старшыні прэзідыума пленума, то бок віцэ-прэзідэнтам.

Памёр 7 снежня 1997 года. Пахаваны на Беларускіх могілках у Саўт-Рыверы. Пакініў пяць дачок.

Зноскі