Асіповіцкае вадасховішча
| Асіповіцкае | |
|---|---|
| Каардынаты: 53°23′12,5″ пн. ш. 28°37′11,61″ у. д.HGЯO | |
| Размяшчэнне | Беларусь, Магілёўская вобласць |
| Вышыня над узроўнем мора | 149,5 м |
| Даўжыня | 23,7 км |
| Шырыня | 1,2 км |
| Плошча | 11,9 км² |
| Аб'ём | 0,0175 км³ |
| Даўжыня берагавой лініі | 55,3 км |
| Найбольшая глыбіня | 8,5 м |
| Сярэдняя глыбіня | 1,5 м |
| Празрыстасць | 1—2 м |
| Плошча вадазбору | 4370 км² |
| Упадаюць | Свіслач, Граўка, ручаі |
| Выцякаюць | Свіслач |
| Год напаўнення | 1953 |
  Асіповіцкае |
|
 Асіповіцкае |
|
 Медыяфайлы на Вікісховішчы | |
Асіпо́віцкае — вадасховішча ў Асіповіцкім раёне Магілёўскай вобласці. Створана ў 1953 годзе плацінай Асіповіцкай ГЭС на рацэ Свіслач.
Плошча вадасховішча 11,9 км². Даўжыня 23,7 км, найбольшая шырыня 1,2 км, даўжыня берагавой лініі 55,3 км. Найбольшая глыбіня 8,5 м. Аб’ём вады 17,5 млн м³. Плошча вадазбору 4370 км². Мінералізацыя вады 330—380 мг/л.
Берагавая лінія звілістая. Берагі вадасховішча пераважна высокія (да 8 м). Ложа ў межах затопленай поймы Свіслачы перасечана шматлікімі мелкаводнымі ўчасткамі. На вадасховішчы астравы агульнай плошчай 15 га. Дно выслана ілам, уздоўж берагоў пясчанае. Сярэднегадавыя ваганні ўзроўню вады каля 81 см. Вадасховішча праточнае (аб’ём воднай масы аднаўляецца за 7—8 сутак). Сярэдні шматгадовы сцёк у створы плаціны 790 млн. м³. Зарастае каля 35 % плошчы вадасховішча.
У вадасховішчы водзяцца шчупак звычайны, акунь, лешч, плотка, гусцяра, краснапёрка, лінь, карась, мянтуз і іншыя віды рыб.
Каля вадасховішча населеныя пункты Цэль, Лапічы, Азярышча, Зборск, Смык, Вяззе і інш.
Літаратура
[правіць | правіць зыходнік]- Энцыклапедыя прыроды Беларусі. У 5-і т. Т. 1 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 1. — 575 с. — 10 000 экз.
- Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 23, 38—39. — 64 с. — 10 000 экз. — ISBN 978-985-508-173-0. (руск.)